Epress.am Լուրեր Հայաստանից
«Դ!եմ եմ» նախաձեռնությունը այսօր հերթական հանրահավաքն է անցկացրել Ազատության հրապարակում, որին հետևել է երթը։
Հանրահավաքի ընթացքում, բացի նախաձեռնության անդամներից, հազարավոր մարդկանց առջև ելույթ են ունեցել քաղաքական տարբեր ուժերի և նախաձեռնությունների ներկայացուցիչներ՝ ՀԱԿ խմբակցության պատգամավորներ Նիկոլ Փաշինյանը և Հրանտ Բագրատյանը, «Նախախորհրդարան» նախաձեռնության անդամ Ժիրայր Սեֆիլյանը, «Ժառանգություն» կուսակցության նախագահ Րաֆֆի Հովհաննիսյանը, ՀՅԴ-ական պատգամավոր Արծվիկ Մինասյանը։
Ելույթ ունեցողները նշել են, որ մինչև վերջ պատրաստ են պայքարել կենսաթոշակային կուտակային համակարգի պարտադիր բաղադրիչի դեմ ու Սահմանադրական դատարանից պահանջել են հակասահմանադրական ճանաչել օրենքը:
Հանրահավաքի ավարտին վանաձորցի ռեփեր Դավիթը հայտարարել է, որ որ ինքն էլ է դեմ պարտադիրին և իր այդ դիրքորոշումը արտահայտել է երաժշտական ստեղծագործության ձևով: Դավիթի ներկայացրած երգում, մասնավորապես, կրկնվել է՝ «Ես չեմ ուզում դառնալ հարուստ պապիկ» արտահայտությունը։
Մի քանի հազար քաղաքացիները երթով շարժվել են Մաշտոցի, Սայաթ-Նովա, Աբովյան փողոցներով, ապա Հանրապետության հրապարակից Ամիրյան փողոցով ու Մաշտոցի պողոտայով վերադարձել են Ազատության հրապարակ:
