Epress.am Լուրեր Հայաստանից
Սիբիրում գտնվող Վերխոյանսկ փոքր քաղաքը Հյուսիսային կիսագնդի ամենացուրտ կետերից և երկրագնդի ամենասառը բնակելի տեղերից է։ Ցրտի տեսանկյունից կարող է համեմատվել Օյմյակոն գյուղակի կամ գրենլանդական Նորթայսի հետ։ 1892 թվականին Վերխոյանսկում ջերմաստիճանը հասել էր -67,7°C։ Իսկ անցյալ շաբաթ այս տարածքի համար ռեկորդային 38°C է գրանցվել։
«Ամեն տարի ջերմաստիճանային նոր ռեկորդներ են սահմանվում, բայց Արկտիկան բոլորից արագ է տաքանում։ Մոտական ժամանակներում, ամենայն հավանականությամբ, նման դեպքեր էլի կլինեն», – նշում է Բրիսթոլի համալսարանի դոցենտ դոկտոր Դեն Միտչելը։
Մասնագետները նշում են, որ Հավերժական սառույցի հալվելու պարագայում ածխածնի երկօքսիդի հսկայան արտանետումներ կսկսվեն։ Նախնական հաշվարկների համաձայն կանադական և ռուսական տայգաներում մինչև 1.5 տրիլիոն տոննա ածխաթթու գազ կա․ դա 40 անգամ գերազանցում է այդ գազի տարեկան արտանետումների ցուցանիշը։
Սիբիրում և Ալյասկայում նկատվող այսպիսի անոմալ շոգը հատկապես անհանգստացնող է այն շրջաններում, որոնցում անցյալ տարի մասշտաբային հրդեհներ էին։ «Կոպերնիկոս» ծառայության փոխանցմամբ, այնտեղ կարող են թաքնված ստորգետնյա օջախներ պահպանված լինել՝ «զոմբի հրդեհներ», որոնք ամեն վայրկյան կարող են մակերևույթ բարձրանալ։