Epress.am Լուրեր Հայաստանից
Լոս Անջելեսի արվարձաններում բռնկված անտառային հրդեհը հասել է Հոլիվուդի բլուրներին։ Առնվազն 5 մարդ զոհվել է, մոտ 130 հազարը տարհանման հրաման է ստացել:
Լոս Անջելեսի շրջանի շերիֆ Ռոբերտ Լունայի խոսքերով՝ կրակը դեռ չի տեղայնացվել և զոհերի թիվը կարող է ավելանալ։ Իրավիճակը բարդացնում են ուժեղ քամին և չոր եղանակը։
— Elon Musk (@elonmusk) January 8, 2025
Իշխանությունները հայտնում են, որ հրդեհները շարունակվում են հինգ տարբեր կետերում, իսկ տարհանման գոտում ապրում է մոտ 150 հազար մարդ։
Ամենաուժեղ հրդեհը Փասիֆիկ-Փելիսեյդս շրջանում Սանտա-Մոնիկայի և Մալիբույի արանքում ընկած հատվածն է, որի մակերեսը կազմում է 60 ք/մ։ Հրշեջ ծառայության ղեկավար Էնթոնի Մարոնի խոսքերով այս հատվածում այրվել է առնվազն 1000 շինություն։
Wow! Palisades in LA is COMPLETELY GONE.. This is horrible. pic.twitter.com/32EDAd6bue
— aka (@akafacehots) January 9, 2025
Լոս Անջելեսի շրջանի արևմուտքում՝ Մալիբուում, հիմնականում հայտնի մարդկանց առանձնատներ են։ Realtor.com -ի տվյալներով, տների միջին գինն այս հատվածում շուրջ 4.5 միլիոն դոլար է։ TMZ լրատվականն, օրինակ, հայտնում է՝ երեկ ամբողջությամբ այրվել է դերասանուհի Փերիս Հիլթոնի դղյակներից մեկը։ Այս հատվածում տներ ունեին նաև Էնթոնի Հոփքինսը, Բեն Աֆլեկը, Թոմ Հենքսը, Ռիզ Վիդերսփունը, Մայքլ Քիթոնը, Ադամ Սենդլերը և ուրիշներ։
Եվս մեկ հրդեհ էլ բռնկվել է Հոլիվուդի բլուրների մոտակայքում, որտեղ գտնվում է Հոլիվուդի հայտնի բրենդային նշանը։ Քաղաքապետը հայտնել է, որ Հոլիվուդ են ուղարկվել լրացուցիչ ոստիկանական ուժեր։
ԱՄՆ նախագահ Ջո Բայդենը Կալիֆորնիա նահանգը հայտարարել է Աղետի գոտի և հանձնարարել դաշնային օգնություն ցուցաբերել՝ անտառային հրդեհներից տուժած տարածքները վերականգնելու համար: