«Ժամանակ». Արտակարգ իրավիճակների նախարարությունում իրար միս են ուտում

Օրաթերթի տեղեկություններով, որոշ տարաձայնություններ են սկսվել արտակարգ իրավիճակների նախարար, ՕԵԿ-ական Արմեն Երիցյանի և նրա տեղակալ ՀՀԿ-ական Հայկարամ Մխիթարյանի միջև:

Բանն այն է, որ նախկին փոխոստիկանապետ Երիցյանի աշխատաոճը, երբ ենթակաների հետ խոսում է հրամայական տոնով, ասես ոստիկանապետը` հանցագործի հետ, արդեն իսկ սկսել է դուր չգալ վերջերս փոխնախարար դարձած Մխիթարյանին, և նրանց միջև պարբերաբար վեճեր են առաջանում: Ի դեպ, Երիցյանից դժգոհություններ ունեն մյուս աշխատակիցները: