Վարդենիսի ինտերնատում հիվանդներին տանջում էին և աշխատացնում․ ոստիկանություն

Վարդենիսի նյարդահոգեբանական տուն-ինտերնատի տնօրենը և աշխատակիցներից մի քանիսը ձերբակալվել են։ Ոստիկանության հաղորդում է, որ տեղեկություններ են ստացվել, ըստ որոնց՝ տուն-ինտերնատի տնօրենը հիվանդներին խոշտանգում է, զրկում հասանելիք սնունդից, ծխախոտից և ենթարկում աշխատանքային շահագործման։ Տուն-ինտերնատի հիվանդներից մեկին ոստիկանները հայտնաբերել են իր հիվանդասենյակում՝ ջեռուցման մարտկոցից մետաղյա շղթայով կապված վիճակում։ Պարզվել է նաև, որ բուժառուներին ստիպում են մաքրման աշխատանքներ կատարել ինտերնատի տնօրենին պատկանող խոզանոցում։ Բացի այդ՝ տնօրենի հանձնարարությամբ հիվանդները տնտեսական աշխատանքներ են կատարում տուն-ինտերնատի աշխատակիցների փոխարեն: Ավելի ուշ Ոստիկանության Վարդենիսի բաժնից պարզաբանել են՝ տեղեկություններ են ստացվել, որ Վարդենիս քաղաքում գտնվող «Նյարդահոգեբանական տուն-ինտերնատ» ՊՈԱԿ-ում հիվանդներին ամբողջությամբ չեն տրամադրվում օրվա հասանելիք ծխախոտը և սնունդը, օրվա ճաշացանկից մատուցվում է միայն առանց մսի ապուր և հաց, բաժանմունքի սանիտարների, ճաշարանի աշխատակիցների պարտականությունը հանդիսացող աշխատանքների մի մասը կատարում են հիվանդները, առանձին հիվանդներ էլ ՊՈԱԿ-ի տնօրենին կամ նրա ընտանիքին պատկանող անասնագոմ շարունակաբար կատարում են մաքրման աշխատանք: Ըստ հաղորդման՝ հիվանդները տուն-ինտերնատում նաև խոշտանգման են ենթարկվում։ «Հաղորոդման տվյալներով, տնօրենը գլխավոր ավագ քրոջ միջոցով ՊՈԱԿ-ի մի խումբ աշխատակիցներից պահանջել և ստացել է գումար, որպեսզի բարձրացնի դրույքաչափերը, հաշմանդամության համար աշխատանքից ազատված անձին տնօրենը, գումար վերցնելով, ընդունել է աշխատանքի որպես հսկիչ։ Հոգեբուժարանում որպես ատամնաբույժ է աշխատում նաև Վարդենիս քաղաքի մի բնակիչ, ով երբևէ որևէ հիվանդի ատամ չի հեռացրել կամ բուժել, չունի ատամնաբույժների համար նախատեսված համապատասխան արտոնագիր, սակայն տնօրենը նրան աշխատանքից չի հեռացրել, և մինչ օրս վերջինս աշխատում է նշված վայրում ու ստանում աշխատավարձ», - հավելել է Ոստիկանությունը։ Հաղորդման հիման վրա  քրեական գործ է հարուցվել։ Նույն օրը «Վարդենիսի տուն-ինտերնատ» ՊՈԱԿ-ի հիվանդասենյակներում, այլ տարածքներում կատարվել են զննություններ։ «Հենց տեղում պարզվել է, որ տուն-ինտերնատի բնակիչներից մեկի անկողինը՝ ներքնակը, գցված է հատակին՝ ջեռուցման մարտկոցների դիմաց, իսկ հիվանդի որովայնին ամրացված է եղել կտորից գոտի, որից ամրացված է եղել մետաղական շղթա՝ միացված ջեռուցման մարտկոցներին: Բացի այդ, տուն-ինտերնատի բնակիչներից մեկի ձեռքերն ու ոտքերը, մեջքի վրա պառկած դիրքում, կտորով կապված են եղել անկողնու չորս անկյուններց»։ Բաժանմունքներից մեկի ճաշասենյակում արձանագրվել է, թե ինչ տեսակի սնունդ է մատակարարվել բնակիչներին: Նույն օրը կայացված որոշումներով ՊՈԱԿ-ից առգրավվել են սննդի և ծխախոտի հատկացման վերաբերյալ անհրաժեշտ փաստաթղթերի բնօրինակները: Հանցագործության կատարման մեջ անմիջականորեն ծագած հիմնավոր կասկածի հիման վրա ձերբակալվել և վարույթն իրականացնող մարմին են ներկայացվել ՊՈԱԿ-ի տնօրենը, հոգեբույժը, բաժանմունքներից մեկի հերթապահ խնամող-սանիտարն ու հերթապահ բուժքույրը։ Քննչական կոմիտեի Գեղարքունիքի վարչությունում ՔՕ 256-րդ հոդվածի 2-րդ մասի 2-րդ կետով, 188-րդ հոդվածի 2-րդ մասի 2-րդ և 3-րդ կետերով, 435-րդ հոդվածի 1-ին մասով (7 դրվագով), 436-րդ հոդվածի 1-ին մասով (7 դրվագով) և 450-րդ հոդվածի 2-րդ մասի 4-րդ կետով նախաձեռնվել է քրեական վարույթ։ Քննությամբ նախնական տվյալներ են ստացվել այն մասին, որ տուն-ինտերնատի բնակիչների նկատմամբ նշված գործողությունները կատարվել են հոգեբույժի հանձնարարությամբ, ինչի մասին տեղյակ է եղել նաև տնօրենը:

Պետությունն ընդդեմ օջախների․ խոսում են ՊՆ նախկին շենքի բնակիչները

Պետությունն ընդդեմ օջախների․ խոսում են ՊՆ նախկին շենքի բնակիչները

Epress.am-ի լրագրողը խոսել է գիշերը դրսում մնացած ՊՆ նախկին շենքի բնակիչների և իրենց տները վերահսկող ոստիկաններից մեկի հետ։ Մանրամասները՝ տեսանյութում․ Փետրվարի 16-ի վաղ առավոտյան հարյուրավոր ոստիկաններ ներխուժել են ՊՆ լքված շենքում ապրող մարդկանց տները, ջարդել դռները, շենքից դուրս հանել ծերերին, երեխաներին ու կանանց, իսկ տղամարդկանցից 22 հոգու ձերբակալել: Բնակիչները պնդում են, որ լքված շենքում հարյուրից ավել ընտանիք էր ապրում։ Սոցապ նախարարությունը խոստանում է նրանցից 15-ին տեղավորել ժամանակավոր կացարաններում։ Բնակիչները հարցնում են՝ ո՞ւր են գնալու ժամանակավոր կացարանից հետո։ տե՛ս ՊՆ նախկին շենքում հակամարդկային օպերացիա է․ մարդիկ հայտնվել են փողոցում  

Խոշտանգումներից փախած չեչենին նորից բռնել են

Արսամիկովը Չեչնիա էր վերադարձել հոր թաղմանը ներկա գտնվելու նպատակով, իսկ հետադարձ ճանապարհին...

Իսրայելցի հաքերները խառնվել են ամբողջ աշխարհի քաղաքականությանը

Իսրայելցի հաքերների խումբը տարբեր կուսակցությունների և ընկերությունների պատվերով միջամտել է աշխարհի քաղաքական գործընթացներին․․․

ՊՆ նախկին շենքում հակամարդկային օպերացիա է, լրագրողներին ներս չեն թողնում

Հարյուրավոր ոստիկաններ ներխուժել են ՊՆ նախկին շենքի տարածք ու բռնի ուժով դուրս հանել այնտեղ բնակվող ընտանիքներին․․․

Ազատություն Օջալանին, զորակցություն՝ երկրաշարժից տուժածներին․ ակցիա

Փետրվարի 15-ին լրանում է Քրդական աշխատավորական կուսակցության հիմնադիր Աբդուլլահ Օջալանի բանտարկության 24-րդ տարին․ Հայաստանի քրդական համայնքի ներկայացուցիչներն այսօր հավաքվել էին ՄԱԿ-ի երևանյան գրասենյակի մոտ։ «24 տարի առաջ որոշ գերտերությունների դավադիր գործողությունների շնորհիվ քուրդ ժողովրդի առաջնորդ Աբուլլահ Օջալանը ձերբակալվեց և հանձնվեց թուրքական բռնակալությանը։ Այսօր մենք հավաքվել ենք այստեղ՝ ՄԱԿ-ի գրասենյակի առջև, մեր ձայնը բարձրացնելու, որպեսզի նա կյանքի վերջին տարիներին լինի ազատության մեջ, լինի իր ժողովրդի մեջ և իր գաղափարներով խաղաղություն բերի մեր ժողովրդին, ազատություն բերի մեր ժողովրդին», - բարձրախոսով հայտարարել է Հայաստանի քրդական համայնքի ղեկավար,  պատգամավոր Կնյազ Հասանովը։ Օջալանը քրդական հեղափոխական շարժման առաջնորդներից է, Քրդական բանվորական կուսակցության (ստեղծվել է 1978 թվականին) հիմնադիրը և նախկին ղեկավարը։ Մարքսիստ, ինտերնացիոնալիստ, Թուրքիայի և տարածաշրջանի ամենամասշտաբային քաղաքական գործիչներից մեկն էր։ Զինված պայքարի կողմնակից էր։ 1920-ին Թուրիքայից տեղափոխվել է Սիրիա։ 1998-ից ընդհատակում էր (երկրից երկիր էր գնում՝ քաղապաստան հայցելով և նորանոր մերժումներ ստանալով)։ 1999 թվականին՝ մի քանի երկրների հատուկ ծառայությունների ներգրավմամբ, Օջալանին առևանգել և փոխանցել են թուրքական ուժայիններին։ Հետագայում ԱՄՆ նախագահի հատուկ ներկայացուցիչ Էնթոնի Բլինքենը (ԱՄՆ-ն սիրիական քրդերի աջակիցն է համարվում) խոստովանել է, որ Օջալանին Անկարային հանձնալու օպերացիան իրականացվել է Միացյալ Նահանգների նախագահ Բիլ Քլինթոնի իմացությամբ և համաձայնությամբ։ Ինքը՝ Օջալանը, 2019 թվականին հրապարակված իր կենսագրությունում պնդում է,  որ այս օպերացիան կազմակերպվել է ԱՄՆ, Մեծ Բրիտանիայի, Իսրայելի և Թուրքիայի հատուկ ծառայությունների կողմից։  Թուրքիայում նա դատապարվել է ցմահ ազատազրկման։ Բանտարկությունից հետո ներգրավված է եղել քրդական խնդրի կարգավորման որոշ հարթակներում։ Առ այսօր գտնվում է բանտում։ «Նրան մեղադրում են, որ արդեն մահացող քուրդ ժողովրդին վերակենդանացրեց ու նրանց ազատության համար սկսեց պայքարել։ Աբդուլլահ Օջալանը կարողացավ ջրի երես հանել ու պարզեցնել աղավաղված պատմությունները։ Հիմա ամբողջ աշխարհն է գիտակցում, որ նա մեղավոր չէ։ ՄԱԿ-ը պետք է օգտագործի իր բոլոր լծակները Օջալանին բանտից ազատելու համար»,– ասում էր Հասանովը։ Միջազգային հանրությունը, ըստ նրա, տարիներ շարունակ աչք է փակել Թուրքիայում և տարածաշրջանի այլ երկրների քրդերի հալածանքների վրա․ «Միջազգային հանրության վերաբերմունքը քրդերի նկատմամբ թուրքական լեգենդների հետևանք էր։ Նրանք քրդերին անվանում էին ահաբեկիչ, բայց պարզվեց` իրենք են ահաբեկիչ, իսլամիստական ուժերին նրանք են օգնում կազմակերպել ամեն ինչ»։ Թուրքիայի ղեկվարությունը, ըստ նրա, պետք է պատասխանատվության կանչվի՝ Թուրքիայում և Սիրիայում նրա գործողությունների համար։ Երկրաշարժից ամենից շատ տուժել են քրդերը Տասնյակ մարդիկ՝ քրդական դրոշներով և Օջալանի դիմանկարներով, այսօր կանգնած էին Միավորված ազգերի կազմակերպության մոտ։ Խոսակցությունների առարկան այս անգամ միայն առաջնորդի բանտարկությունը չէր։ Փետրվարի 6-ին Թուրիքայում տեղի ունեցած երկրաշարժերից տուժել են Սիրիայի և Թուրքիայի հատկապես քրդաբնակ շրջանները՝ պնդում էին ցուցարարները։ Հազարավոր քրդեր են զոհվել, բազմաթիվ վիրավորներ կան, միլիոնավոր մարդիկ անօթևան են մնացել։ Հասանովը բողոքում էր՝ Թուրքիայի իշխանությունները բավական ջանքեր չեն գործադրել՝ քրդական համայնքներում երկրաշարժից տուժածներին փրկելու համար։ «Թուրքիայի և Սիրիայի քրդաբնակ տարածքներում տեղի ունեցած հզոր երկրաշարժը հազարավոր մարդկանց կյանքեր է խլել, բնակավայրեր են փուլ եկել, հազարավոր, միլիոնավոր մարդիկ այսօր մնացել են անօթևան։ Այսօր մենք մեր ցավակցությունն ենք հայտնում զոհերի համար։ Մենք մեր գլուխն ենք խոնարհում նրանց հիշատակի առջև, մենք մեր գլուխն ենք խոնարհում բոլոր վիրավորների առջև և բոլոր մարդկանց, որոնք անօթևան են մնացել, մեր զորակցությունն ենք հայտնում», - նշում էր Հայաստանի խորհրդարանի քուրդ պատգամավորը։ Առավոտյան տվյալներով՝ երկրաշարժի զոհերի թիվը Թուրքիայում հասել է 35 418-ի, Սիրիայում՝ անցել 5800-ը։ Սիրիայի՝ երկրաշարժից տուժած շրջանները, հիմնականում բնակցեված են քրդերով․ հարավի մեծ մասը գտնվում է քուրդ ապստամբների վերահսկողության ներքո։ Պատերազմի և ծայրահեղ աղքատության մեջ գտնվող մարդիկ այսօր մնացել են այն նույն շրջափակման մեջ, որում ապրում էին մինչև եկրաշարժը։ Հումանիտար օգնությունն այստեղ պարզապես չի հասնում։ տե՛ս Արտակարգ իրավիճակի մեջ առաջացած արտակարգ իրավիճակ Օգնությունից Սիրիա է հասնում հիմնականում «մենք ձեզ հետ ենք»-ը

Հերթական ներգաղթյալներն են զոհվել Միջերկրական ծովի մահաբեր անցուղում

Լիբիան վաղուց է տարանցիկ ուղի դարձել աֆրիկացի փախստականների համար, ովքեր փորձում են հասնել Եվրոպա․․․

«Ավանդական» ոստիկանությունն ընդդեմ նորաթուխ պարեկների

Ինչպե՞ս դառնալ տարվա լավագուն «միլպետ»

Հայաստանի և Թուրքիայի ԱԳՆ ղեկավարները ջան էին ասում, ջան լսում

Առանձնազրույցից հետո Արարատ Միրզոյանն ու Մևլութ Չավուշօղլուն հանդես են եկել հայտարարություններով․․․