Epress.am Լուրեր Հայաստանից
Բելառուսի գլխավոր դատախազի տեղակալ Անդրեյ Շվեդը ապրիլի 13-ին հաղորդել է Մինսկի մետրոյում պայթյունի գործով երկու կասկածյալների ձերբակալության մասին. նրանցից մեկը համարվում է ահաբեկչության ամենահավանական իրականացնողը:
«Այս փաստը հաստատվում է նաև նրա ցուցմունքներով և տեսահսկման սարքերի ձայնագրություններով»,- հայտարարել է Շվեդը, ով ղեկավարում է գործի հետաքննությունը:
Նրա խոսքով` երկու կասկածյալները շրջանային կենտրոնների բնակիչներ են:
Գլխավոր դատախազի տեղակալը նաև նշել է, որ տեսախցիկի ֆիքսած տեսանյութում հստակ երևում է` ինչպես է կասկածյալը ժամանում Կուպալովսկայա կայարան մեծ սև պայուսակով, այնուհետև գնում մինչև Օկտյաբրսկայա կայարան, թողնում է պայուսակը, հեռանում է ավելի ապահով վայր և ինչ-որ գործողություններ է իրականացնում գրպանում, հաղորդում է « Корреспондент»-ը: