Գազի խնդրիը. Երևանցիների ստիպում են վճարել պարտքերը

«Երևան գազ» ընկերության տեսուչները այս օրերին ամբողջ մայրաքաղաքով մեկ այցելում են այն բնակիչների բնակարանները, որոնք գազաֆիկացման համար ժամանակին վճարել էին նախատեսված գումարի 80 տոկոսը, գրում է «Առավոտ» օրաթերթը:

««Գազի մարդիկ» բնակիչներին զգուշացնում են, որ եթե երեք օրում չվչարեն գումարը, ապա 80 տոկոսն էլ չեղյալ կհամարեն: Ընդ որում, տեսուչները բնակիչներին սպառնում են, որ վճարումները ժամանակին չկատարելու դեպքում կդիմեն դատարան, որից հետո իրենց հարցերը կլուծեն ԴԱՀԿ աշխատակիցները: «Առավոտին» դիմած Մալաթիա համայնքի մի խումբ քաղաքացիներ դժգոհեցին, որ տեսուչներն այցելում են իրենց և ստիպում ինչ-որ փաստաթուղթ ստորագրել, որով իրենց և ստիպում ինչ-որ փաստաթուղթ ստորագրել, որով իրենք պարտավորվում են

3 օրում կատարել այդ վճարը: Բնակիչները վստահեցրեցին, որ «Երևան-գազի» տեղամասային բաժանմունք ներկայանալուց հետո, ով «բաշարում» է` կարողանում է բաժնում պետի հետ լեզու գտնել և եռօրյա ժամկետը մի քիչ էլ երկարացնել: Այս առնչությամբ «Առավոտին» պատասխանեցին, որ մայրաքաղաքում գազիֆիկացման ներտնային շինաշխատանքների համար 20 տոկոսները չվճարելու արդյունքում այս տարիների ընթացքում կուտակվել է 68 միլիոն դրամ. «Ստեղծվել է մի իրավիճակ, որ այսօր էլ, երբ մարդիկ 80 տոկոսը վճարում են, մենք էլ ի վիճակի չենք ներտնային աշխատանքներ կատարելու, քանի որ եղած նյութերն արդեն օգտագործվել էին պարտք ունեցող բնակիչների համար: Բնակիչներ կան, որ 2005 թվականին են պայմանագիր կնքել և մինչ օրս չեն վճարել 20 տոկոսը: Մենք պարզապես հորդորել ենք բնակիչներին` սեղմ ժամկետներում կատարել այդ վճարումները»»: