Epress.am Լուրեր Հայաստանից
«Երկու դատարանների որոշումները իրար հակասում են, սակայն դատավորը չի ցանկանում անգամ լսել ու պատասխանել մեր հարցերին»։ Այս մասին Շենգավիթ վարչական շրջանի ընդհանուր իրավասության դատարանում այսօր հայտարարել է ինժեներ, քաղաքացիական ակտիվիստ Վարդգես Գասպարիի փաստաբան Տիգրան Եգորյանն այն բանից հետո, երբ դատավոր Նելլի Բաղդասարյանը փաստաբանի հարցին պատասխանելու փոխարեն՝ մաստակ ծամելու համար դիտողություն է արել դահլիճում ներկա գտնվող լրագրողներին։
Գասպարիի փաստաբանը դատարանին խնդրել է պարզաբանել, թե ինչ կարգավիճակ ունի իր պաշտպանյալն այսօրվա դատական նիստի ընթացքում։ Եգորյանը հիշեցրել է, որ երկու նիստ առաջ Գասպարիի նկատմամբ սանկցիա էր կիրառվել և նա հեռացվել էր դահլիճից 6 ժամով։