Ոստիկանները մարդկանց բռնի ուժով բերման են ենթարկում ԱԺ-ի մոտից

Այսօր Բաղրամյան պողոտայում ոստիկանները ուժ են կիրառել՝ հրել ու հարվածել են մի քանի տասնյակ ակտիվիստների, ովքեր բողոքի ակցիա են կազմակերպել Ազգային ժողովի շենքի դիմաց։ Ակտիվիստներին բերման ենթարկելու ընթացքում ոստիկանները նաև խոչընդոտել են լրագրողների աշխատանքը։ Նրանք փորձել են ներկաներին թույլ չտալ նկարահանել այն պահերը, երբ ակտիվիստների նկատմամբ ուժ են կիրառել։