Home / Армения / Հայաստանում հաշմանդամների խնդիրներին նվիրված վավերագրական ֆիլմ կներկայացնեն

Հայաստանում հաշմանդամների խնդիրներին նվիրված վավերագրական ֆիլմ կներկայացնեն

«Հույսի կամուրջ» հասարակական կազմակերպության պատվերով նկարահանված «Ես գնում եմ դպրոց. 10 տարի անց» վավերագրական ֆիլմի պրեմիերան կայանալու է նոյեմբերի 15-ին, ժամը 17:00-ին Նարեկացի արվեստի միությունում: Ֆիլմի հեղինակ և ռեժիսորն է Արա Շիրինյանը:

Ֆիլմը պատմում է չորս հաշմանդամ երիտասարդների մասին, ովքեր 10 տարի առաջ հանրակրթական դպրոցում ունեցած իրենց առաջին դժվարություններն ու հաջողությունների մասին էին պատմել «Ես գնում եմ դպրոց» ֆիլմում:

Ինչպե՞ս է փոխվել նրանց կյանքը, ի՞նչ դեր ու նշանակություն ունեցավ կրթությունը նրանց համար, ի՞նչ երազանքներ ունեն այսօր. այս հարցերի մասին է 30 րոպե տևողությամբ նոր վավերագրական ֆիլմը: