Ինչ նվերներ է ստացել Սահակաշվիլին Սարգսյանից, Ալիևից և Հռոմի Պապից

Վրաստանի նախագահի վարչակազմը հրապարակել է երկրի առաջնորդի պաշտոնական նվերների ցուցակը:

Միխայիլ Սահակաշվիլին 24 պաշտոնական նվեր է ստացել: Այդ ցուցակի մեջ է մտել նաև պատվո շքանշանը, որը 2009 թվականին Սահակաշվիլին ստացել է Հայաստանի նախագահ Սերժ Սարգսյանից:

Ադրբեջանի նախագահ Իլհամ Ալիևը 2005 թվականին Բաքու-Թբիլիսի-Ջեյխան նավթատար խողովակի պաշտոնական բացման արարողության ժամանակ Վրաստանի ղեկավարին ոսկի է նվիրել:

Դերասան Վախթանգ Կիկաբիձեն Սահակաշվիլիին ոսկե սկավառակ է նվիրել:

2008 թվականին Ջորջ Բուշը վրաց առաջնորդին ԱՄՆ-ի և Վրաստանի դրոշների պատկերներով սպորտային բաճկոն և սպորտային կոշիկներ է նվիրել:

2009-ին ԱՄՆ վարչապետ Ջոզեֆ Բայդենը Սահակաշվիլիին սեղանի ժամացույց է նվիրել, որի վրա գրված է եղել «Ամերիկայի Միացյալ Նահանգների վարչապետ»:

Անցյալ տարի Միխայիլ Սահակաշվիլին Հռոմի Պապ  Բենեդիկտոս 16-րդի կողմից ոսկե շքանշան է ստացել:

2010 թվականին Լիսաբոնում Բարաք Օբաման Սակաշվիլիին ճարմանդներ է նվիրել:

Բացի դա նվերների ցուցակում է նաև Հիլարի Քլինթոնի կողմից նվիրած հախճապակե ծաղկամանը, Նիկոլյա Սարկոզիից ստացած արծաթե սկուտեղը, Անդրես Ֆոգ Ռասմուսենից` արծաթյա գծերով  սև զարդատուփ, նաև Մադրիդի «Ռեալ» ակումբի շապիկը: