Ապօրինի ծառահատում. ձերբակալվել է 4 մարդ

Երեկ «Սևան ազգային պարկի» «Ախթամարի» տեղամասի անտառահատվածում ապօրինի ծառահատում է կատարվել:

Ոստիկանության աշխատակիցները բերման են ենթարկել Ծովագյուղի բնակիչներ` 21-ամյա Թովմաս Թ.-ին և նրա հասակակիցներ Զավեն Թ.-ին, Արտակ Խ.-ին և Վահագն Թ.-ին:

Համաձայն ոստիկանության, նրանք ապօրինի հատել են 10 սոճի:

Թովմաս Թ.-ն ներկայացրել է հանցագործության գործիք սղոցը և կացինը: Պատճառված նյութական  վնասի չափը պարզվում է: