ՏԵՍԱՆՅՈՒԹ – Ոստիկանները և կոտրված կողպեքը Հրազդանի ընտրություններին

Երեկ Հրազդանում քաղաքապետի ընտրություններից հետո ձայների հաշվարկի ժամանակ երեք ընտրատեղամասեր հոսանքազրկվել են:

Այդ ընթացքում «Հայկական ժամանակ» օրաթերթի արտահաստիքային թղթակիցների խումբը, շրջելով տարբեր տեղամասերում, 25/01 ընտրատեղամասի հոսանք հաղորդող վահանի մոտ տեսել են ոստիկանների, ինչպես նաև նկատել են, որ վահանի կողպեքը կոտրված է: Տեղամասի բակում կանգնած է եղել Նիվա մակնիշի ավտոմեքենա, որի մեջ նույնպես ոստիկաններ են եղել:

Թղթակիցների հարցին ի պատասխան` ոստիկանները, ովքեր չեն ցանկացել ներկայանալ, պատասխանել են, որ տեղյակ չեն, թե ով է կոտրել կողպեքը:

Լրագրողները մի քանի անգամ կրկնել են հարցը և պահանջել են ներկայանալ, սակայն ոստիկանները չեն պատասխանել և հեռացել են:

Տեսանյութը տրամադրել են «Հայկական ժամանակ» օրաթերթի արտահաստիքային թղթակիցները