Արոնյանը վերականգնում է դիրքերը ձախողված մեկնարկից հետո

Լոնդոնում անցկացվող London Chess Classic հեղինակավոր շախմատային մրցարի վերջին երկու օրերի ընթացքում իր դիրքերը որոշ չափով բարելավեց հայաստանցի գրոսմայստեր Լևոն Արոնյանը:

Մեկնարկային երկու պարտիաներում կրած պարտությունից հետո, նա դեկտեմբերի 3-ին սպիտակներով ոչ-ոքի խաղաց աշխարհի չեմպիոն Վիշի Անանդի հետ, իսկ դեկտեմբերի 4-ին սևերով 76-րդ քայլին պարտության մատնեց անգլիացի Լյուք Մաքշեյնին:

Այսօր մրցաշարում հանգստի օր է, իսկ վաղը Արոնյանը սպիտակներով խաղալու է Վլադիմիր Կրամնիկի դեմ:

Դեկտեմբեր 3, 3-րդ տուր

Լևոն Արոնյան (Հայաստան) – Վիշի Անանդ (Հնդկաստան) ½:½

Վլադիմիր Կրամնիկ (Ռուսաստան) – Մագնուս Կառլսեն (Նորվեգիա) ½:½

Գավեյն Ջոնս (Անգլիա) – Հիկառու Նակամուրա (ԱՄՆ) ½:½

Մայքլ Ադամս (Անգլիա) – Յուդիթ Պոլգար (Հունգարիա) 1:0

Դեկտեմբեր 4, 4-րդ տուր

Լյուք Մաքշեյն (Անգլիա) – Լևոն Արոնյան (Հայաստան) 0:1

Մագնուս Կառլսեն (Նորվեգիա) – Գավեյն Ջոնս (Անգլիա) 1:0

Հիկառու Նակամուրա (ԱՄՆ) – Մայքլ Ադամս (Անգլիա) ½:½

Վիշի Անանդ (Հնդկաստան) – Վլադիմիր Կրամնիկ (Ռուսաստան)  ½:½

Մրցաշարային աղյուսակ

1. Կառլսեն – 10 միավոր

2. Կրամնիկ – 8

3. Ադամս 7

4. Նակամուրա – 5

5. Արոնյան – 4

6. Անանդ – 3

7.Ջոնս – 2

8-9. Պոլգար, Մաքշեյն – 1

Հ.Գ. Մրցաշարում հաղթանակի համար տրվում է 3 միավոր, ոչ-ոքիի համար՝ 1:

Լուսանկարը՝ Ռեյ Մորիս-Հիլ