Home / Հայաստան / «Հայռուսգազարդի» խոսնակը համաձայն է, որ գազը թանկանա, բայց «կարողանանք ապահովել երկրի անվատանգությունը»

«Հայռուսգազարդի» խոսնակը համաձայն է, որ գազը թանկանա, բայց «կարողանանք ապահովել երկրի անվատանգությունը»

Գազի սակագնի բարձրացումից հետո «Հայռուսգազարդի» աշխատակիցների աշխատավարձերը բարձրանալու են: Այս մասին «Ազատություն» ռադիոկայանի «Facebook-յան ասուլիս» հաղորդման ժամանակ ասել է ընկերության մամուլի խոսնակ Շուշան Սարդարյանը:

Ընկերությունում աշխատավարձերի բարձրացման վերաբերյալ բազում հարցերին ի պատասխան՝ Սարդարյանն ասել է. «Ո՞ւմ դեմ ենք մենք բողոքում՝ 6000 ընտանիքների՞:  Եթե ընկերությունում 6 հոգի բարձր աշխատավարձ է ստանում, չի նշանակում, որ բարձր են բոլորի աշխատավարձերը: Մենք ներկայացրել ենք հայտ՝ միջինը 200.000 դրամի աշխատավարձ սահմանելու մասին: Եթե դրանից հանենք 26% հարկվող մասը, մնում է 150.000 կարգի գումար:  Հաշվի առնելով գնաճը՝ չգիտեմ՝ բա՞րձր է այդ աշխատավարձը, թե ոչ»:

Խոսնակը հերքել է, որ «Հայռուսգազարդը» գերշահույթներ է սանում: Ըստ նրա՝ ընկերությունը 8% շահույթ է ստանում, ինչը «Գազպրոմի» ընկերությունների շրջանում ամենացածր շահույթն է:

Խոսելով գազի սակագնի բարձրացման մասին՝ Սարդարյանը խորհուրդ է տվել չմոռանալ, որ 2010 թվականին, երբ վերջին անգամ «Հայռուսգազարդը» սակագնի վերանայման հարցը բարձրացրեց, գնի փոփոխություն չի եղել:

«Մենք ասել ենք, որ մենք ունենք երկարաժամկետ պայմանագիր, որը գնի աստիճանական բարձրացում է ենթադրում»,- ասել է նա:

Հարցին, թե արդյոք ոլորտի մենաշնորհին տիրապետելն է «Հայռուսգազարդին» թանկացումներ անելու հնարավորություն տալիս, Շուշան Սարդարյանը պատասխանել է. «Բնական մոնոպոլիաները գին թելադրող չեն, գինը որոշվում է պետության կողմից»:

Ինչպե՞ս են մարդիկ կարողանալու գազի նման բարձր գին վճարել հարցին Սարդարյանը պատասխանել է. «Ես հարցին կարող եմ պատասխանել որպես ՀՀ քաղաքացի: Այո, համաձայն եմ, որ 10-20 դրամով թանկ լինի, սակայն կարողանանք ապահովել երկրի անվատանգությունը և պատրաստ լինենք ցանկացած մարտահրավերի դիմակայել, ինչից ապահովագրված չենք այս տարածաշրջանում»:

Tekali Taxi