Home / Հայաստան / Երևանում կարմիր գծերով նշված ոչ բոլոր կայանատեղիներն են վճարովի

Երևանում կարմիր գծերով նշված ոչ բոլոր կայանատեղիներն են վճարովի

Երևանի կարմիր գծանշումներով առանձնացված վճարովի ավտոկայանատեղիներից ոչ բոլորն են վճարովի, իր այսօրվա համարում գրում է «Հայկական ժամանակ» օրաթերթը:

Այն փողոցներում, որտեղ «Փարքինգ սիթի սերվիս» փակ բաժնետիրական ընկերության կողմից ամբողջական կահավորում չի արվել, այսինքն՝ չեն տեղադրվել տեսախցիկներ, կայանելն առայժմ անվճար է։

Թերթի հետ զրույցում փաստը հաստատել է «Փարքինգ սիթի սերվիս»-ի տնօրեն Վազգեն Հարությունյանը։

«Որտեղ կահավորումը թեկուզ մի մասով պակաս է, այնտեղ հսկողություն չենք իրականացնում», – ասել է ընկերության տնօրենը: Նման դեպքերում կայանման դիմաց վճարել-չվճարելը «Փարքինգ սիթի սերվիսը» առայժմ թողնում է վարորդների խղճին։

Թերթը նշում է, որ կահավորված փողոցների ցանկը շուտով 20-ի կհասնի. արդեն կահավորված են Ամիրյան, Տերյան, Չարենց, Մոսկովյան, Սարյան, Բեյրութի, Խորենացի, Գր. Լուսավորիչ, Թումանյան, Իսահակյան փողոցները և Սայաթ-Նովայի պողոտան, շուտով տեսախցիկներ կլինեն նաև Հանրապետության, Վարդանանց, Աբովյան, Ագաթանգեղոսի փողոցներում և Տիգրան Մեծ պողոտայում:

Հոդվածն ամբողջությամբ՝ թերթի այսօրվա համարում