Home / Հայաստան / Ազատամարտիկի ձերբակալման մեջ քաղաքական դրդապատճառներ չկան. Սեյրան Օհանյան

Ազատամարտիկի ձերբակալման մեջ քաղաքական դրդապատճառներ չկան. Սեյրան Օհանյան

Սահմանի վրա զինադադարի խախտման վերջին դեպքերը, հավանաբար, կապված էին Ադրբեջանում տեղի ունեցած նախագահական ընտրությունների, նաև նոր Պաշտպանության նախարարի նշանակման հետ: Այս մասին ԱԺ-ում լրագրողների հետ զրույցում ասել է ՀՀ պաշտպանության նախարար Սեյրան Օհանյանը՝ նկատելով, որ նման դեպքերը հիմնականում համընկնում են քաղաքական իրադարձությունների և միջազգգային հանդիպումների հետ:

Անդրադառնալով ազատամարտիկ Վոլոդյա Ավետիսյանի դեմ հարուցված քրեական գործին, Սեյրան Օհանյանն ասել է, որ հետապնդումը կապ ունի ոչ թե Ավետիսյանի քաղաքական գործունեության հետ, այլ անձնական գործունեության հետ: Նախարարի խոսքով՝ ինքը մինչ ձերբակալումը երկու անգամ հանդիպել էր ազատամարտիկին, փորձել էր ուղղություն ցույց տալ՝ ինչպես հասնել հարցերի լուծմանը: Ըստ Օհանյանի՝ Ավետիսյանը խախտել է հանդիպման ժամանակ ունեցած պայմանավորվածությունը: Օհանյանը կրկին պնդել է, որ ամեն դեպքում Ավետիսյանի հանրային գործունեությունը կապ չունի ձերբակալության հետ:
 
2014 թվականի պետբյուջեով պաշտպանության ոլորտին հատկացվող գումարների աճի մասին հարցին պատասխանելով՝ Օհանյանն ասել է, որ գումարը հատկացվելու է աշխատավարձերի բարձրացման, ինչպես նաև տեխնիկական սպառազինության համար: