Epress.am Լուրեր Հայաստանից
Այսօր Ազգային ժողովի մամուլի ծառայությունը պաշտոնապես հայտարարել է, որ Հանրային հեռուստաընկերությունն ուղիղ եթերով կհեռարձակի Սահմանադրության փոփոխությունների նախագծի քննարկումներին նվիրված ԱԺ նիստերը։
Տարածած հաղորդագրության մեջ նշվում է, որ նման որոշում է կայացվել՝ հաշվի առնելով «սահմանադրական բարեփոխումների նշանակությունը մեր երկրի հետագա զարգացման հարցում, կարևորելով Սահմանադրության փոփոխությունների նախագծի խորհրդարանական քննարկումների դերը և ընդունելով Ազգային ժողովի նախագահ Գալուստ Սահակյանի հորդորը»։
Նշենք, որ երեկ Ազգային ժողովի նիստի ընթացքում նման հորդորով հանդես են եկել ՀԱԿ խմբակցության պատգամավորներ Լևոն Զուրաբյանը և Արամ Մանուկյանը, իսկ ԱԺ նախագահ Գալուստ Սահակյանն ասել էր, թե առաջարկը չի ընդունվի և որ այն պրովոկացիոն է։