Home / Հայաստան / Հայաստանի արտաքին պահուստները նվազում են, պետական պարտքը՝ աճում․ «ՀԺ»

Հայաստանի արտաքին պահուստները նվազում են, պետական պարտքը՝ աճում․ «ՀԺ»

Հայաստանի արտաքին պահուստները այս տարվա սկզբի համեմատ նվազել են 10 տոկոսով (172 միլիոն դոլարով)` հասնելով 568 միլիոն դոլարի, գրում է «Հայկական ժամանակ»-ը։ Չնայած վերջին տարիներին արտաքին պահուստները սովորաբար նվազում են, սակայն, ըստ օրաթերթի, այսպիսի տեմպը այնքան էլ «ավանդական» չէ։

ՀՀ արտաքին պահուստներից գումարը սովորաբար ուղղվում է արտաքին պարտքի մարմանը, ինչպես նաև դրամի փոխարժեքի կայունության պահպանման նպատակով արտարժութային ինտերվենցիաների իրականացմանը։

«Հատկապես մտահոգիչ է, որ արտաքին պահուստների նվազմանը զուգընթաց աճում է ՀՀ պետական պարտքը։ Միայն աս տարվա առաջին 3 ամիսներին մեր պետական պարտքը աճել է 576 միլիոն դոլարով և կազմել մոտ 5․2 միլիարդ դոլար։ Ստացվում է, որ այդ ամիսներին մեր արտաքին պահուստը նվազել է 10 տոկոսով, իսկ պետական պարտքը աճել է 12 տոկոսով։ Ամեն ինչ խոսում է այն մասին, որ ՀՀ տնտեսությունում արձանագրվող այս միտումները կունենան շարունակական բնույթ», – գրում է «ՀԺ»-ն։

Մանրամասները՝ թերթի այսօրվա համարում։