Ինքնաթիռով կարելի է, մեքենայով՝ ո՞չ․ ցույցեր Ախալքալաքում

Երեկ Ախալքալաքի կենտրոնում բողոքի ակցիա էր։ Վրացական Սամցխե-Ջավախեթի շրջանի բնակիչները պահանջում էին մեղմացնել կորոնավիրուսով պայմանավորված սահմանափակումները՝ հայտարարելով, որ դրանք ծանր ֆինանսական դրության մեջ են դնում իրենցից շատերին։

Ցուցարարների հիմնական պահանջը Ռուսաստանի և Հայաստանի հետ ցամաքային սահմանների բացումն է։ Ակցիայի մասնակիցները նշում էին, որ այդ հարցով արդեն իսկ գրավոր դիմել են Վրաստանի վարչապետին։

«Ինչո՞ւ ինքնաթիռով թռչել կարելի է, իսկ մեքենայով սահմանն անցնել՝ ոչ», – հետաքրքրվում են ցույցի դուրս եկած քաղաքացիները։

Ցուցարարները հայտարարել են, որ ակցիաները կշարունակվեն այնքան, մինչև իրենց պահանջները կկատարվեն։