Ղարաբաղի ընդդիմության մի մասը բողոքում է տեղաշարժի աննախադեպ ակտիվացումից
Հունիսի 4-ից սկսած Ղարաբաղից Հայաստան և Հայաստանից Ղարաբաղ մարդկանց տեղաշարժը մասնակիորեն վերականգնվել է։ Համացանցում տեսանյութեր են հայտնվում, որոնցում երևում է՝ ինչպես են հայերն անցնում ադրբեջանական անցակետով։ Կին-սահմանապահները ստուգում են անձնագրերը, հարցեր են տալիս։ Տղամարդ-սահմանապահները հսկում են տարածքը։ Ադրբեջանական լրատվամիջոցները սա ներկայացնում են որպես միջանցքի «անխափան» գործունեության վկայություն։ Մարդկանց տեղաշարժը իրականացվում է բացառապես ռուսական խաղաղապահ զորախմբի ուղեկցությամբ։ Երբեմն անցակետով նաև Կարմիր Խաչի մեքենաներն են գնում (գրեթե մեկ ամիս ԿԽՄԿ-ն միջանցքից չէր օգտվում՝ բանակցում էին կարգի շուրջ)։ Ադրբեջանցիները ստուգում են նաև հումանիտար առաքելության մեքենաները՝ բուժառուների և նրանց ուղեկցողների անձնագրերը։ Մայիսի սկզբից (ադրբեջանական անցակետի տեղադրումից և առաջին գործարկումից հետո) ճանապարհը հսկում է նաև Ղարաբաղի ոստիկանությունը։ Որպեսզի մարդիկ «չհայտնվեն ադրբեջանական քարոզչության թակարդում»՝ ղարաբաղցի ոստիկանները կանխում են միջանցքից (հետևաբար՝ նաև անցակետից) օգտվելու փորձերը։ Պաշտոնական Ստեփանակերտը, մինչ այդ, * պահանջում է ի կատար ածել Արդարադատության միջազգային դատարանի որոշումը՝ ապահովել միջանցքով մարդկանց և բեռների անխափան, անխոչընդոտ տեղաշարժը, * հիշեցնում է 2020-ի նոյեմբերի 9-ի հայտարարության մասին, համաձայն որի Լաչինի միջանցքը պետք է գտնվի բացառապես ռուս խաղաղապահների վերահսկողության ներքո, * հայտարարվում է, որ ադրբեջանական անցակետը ապօրինի է։ Անվտանգության երաշխիքների բացակայության պայմաններում Ստեփանակերտը սկզբում խուսափում էր արտոնել սեփական քաղաքացիների՝ անցակետով տեղաշարժը։ Հետագայում որոշ բացառություններ արվեցին՝ ծանր հիվանդների համար, որոնց ուղեկցում էր Կարմիր խաչը, և անհետաձգելի խնդիրներ ունեցող քաղաքացիների համար, որոնց ուղեկցում էին ռուս խաղաղապահները։ տե՛ս Ղարաբաղի հայերին խեղդում են․ Շուշիում տոն է Ղարաբաղի ընդդիմության մի մասը այժմ բողոքում է տեղաշարժի աննախադեպ ակտիվացումից։ Նախագահ Արայիկ Հարությունյանին նրանք մեղադրում են ապօրինի անցակետը լեգիտիմացնելու համար։ Ինչո՞ւ է Արցախի իշխանությունը խախտել իր իսկ սահմանած կարմիր գիծը և որոշում կայացրել, որ արցախցիները պետք է օգտվեն Լաչինի միջանցքում տեղակայված ադրբեջանական անցակետից՝ այս հարցի պատասխանը «Արցախի անվտանգության և զարգացման ճակատ» շարժման անդամները երեկ կայացած հանդիպման ժամանակ փորձել են պարզել հենց Հարությունյանից։ «Արցախի անվտանգության և զարգացման ճակատը» ստեղծվել է ռուսաստանցի միլիարդատեր, անցյալ տարի Ղարաբաղ տեղափոխված, Ղարաբաղի պետնախարար դարձած և պաշտոնանկ արված Ռուբեն Վարդանյանի նախաձեռնությամբ։ Այժմ Վարդանյանը ղարաբաղյան ընդդիմության առաջնորդներից մեկն է, ըստ տեղացիների՝ մրցում է Ղարաբաղի պաշտպանության նախկին նախարար, ԱԽ-ի նախկին գլխավոր քարտուղար Սամվել Բաբայնի և համագործակցում նախկին նախագահներ Բակո Սահակյանի և Արկադի Ղուկասյանի հետ։ Ճակատին անդամակցում են Ղարաբաղի գործող պատգամավորները և մի շարք հասարակական գործիչներ։ տե՛ս Քաղաքական խաղեր, մոսկովյան ոճ․ հանրահավաք Ստեփանակերտում Հանդիպումից հետո հայտարարվել է, թե ադրբեջանական անցակետից օգտվելու որոշումը նախագահը բացատրել է հանրային պահանջով։ «Որոշում էր կայացվել, որ դա կարմիր գիծ է։ Մեզ համար անընդունելի, չգիտենք ինչ-ինչ պատճառներով՝ այսօր դա այլևս կարմիր գիծ չէ։ Արդեն իշխանության կողմից որոշում է ընդունվել, որպեսզի քաղաքացիները անցնեն։ Արայիկ Հարությունյանը փորձեց դա ներկայացնել որպես հանրային պահանջ, փորձեց մեզ բացատարել, որ դա հանրային պահանջ է, շատ մարդիկ տարբեր հարցեր ունեն, խնդիրներ ունեն։ Չնայած մինչև այդ էլ Կարմիր խաչը... մեր համար էն ժամանակ ընդունելի էր, որ Կարմիր խաչի միջոցով մեր հիվանդներին տեղափոխենք։ Սակայն տեսնում ենք, որ արդեն շատ ավելի լայն շրջանակներ են սկսել օգտվել, որը անընդունելի է մեր համար», - մեկնաբանել է Ղարաբաղի խորհրդարանաի ընդդիմադիր «Արդարություն» խմբակցության ղեկավար Դավիթ Գալստյանը։ Գալստյանը վստահ է, որ նման հանրային պահանջ Ղարաբաղում չկա։ Ասում է՝ ավելի քան 60 հազար մարդ (որոնց թվում է, ի դեպ, նաև Արայիկ Հարությունյանը) միացել է «Ոչ Արցախի էթնիկ զտմանը» ստորագրահավաքին, որում հստակ գրված է, որ Լաչինի միջանցքում տեղադրված «ադրբեջանական անցակետը կարմիր գիծ է»։ Դեռևս «բնապահպանական բլոկադայի» օրերին շրջափակման մեջ մնացած մարդիկ մասնավոր զրույցներում բողոքում էին կոռուպցիայից (խաղաղապահները մարդկանցից փող են վերցնում՝ Հայաստան անցակացնելու, Հայաստանից հետ բերելու համար, հարուստները և պետական որոշ պաշտոնյաներ երբ պետք է՝ կարողանում են գնալ-գալ, աղքատները փակի տակ են մնացել և այլն)։ Ընատեկան, կրթական, առողջական, աշխատանքային հարցեր կան, շատերը ստիպված փող էին վճարում՝ Հայաստան գալու, Հայաստանից հետ վերադառնալու համար։ Ստվերային այս գործարքների մասին պարբերաբար ակնարկում էին նաև ընդդիմադիր ակտիվիստները։ Հրապարակավ խոսելուց մարդիկ խուսափում էին։ տե՛ս Մեզ վտարում են, բացեք ճամփեն Մյուս կողմից՝ առողջական խնդիրներ ունեցող մարդկանց հարազատները բողոքում էին (այդ թվում՝ հրապարակավ) որ անցակետի տեղադրումից հետո հերթերը մեծացել են, ամիսներով սպասում են՝ երբ են հիվանդներին տեղափոխելու Հայաստան։ տե՛ս Ադրբեջանական անցակետը հայերին ճնշելու համար է. երկու օրինակ Ադրբեջանական անցակետի տեղադրումից հետո խնդիրները ավելի են բարդացել։ Սկզբում հույս կար, որ ռուսական կողմին կհաջողվի հասնել հսկիչ կետի հեռացմանը։ Բանակցությունները, սակայն, արդյունք չեն տվել։ տե՛ս Ռուսաստանին ուղղված գանգատներ կան, բայց ավելի լավ այլընտրանքներ չկան տե՛ս Քառօրյա բանակցությունների մասին՝ Երևանից և Բաքվից Ընդդիմադիր պատգամավորը այս հարցերից չի խոսել, փոխարենը՝ հիշեցրել է, որ ադրբեջանական անցակետը անվտագ չէ․ «․․․Կոնկրետ ինչը՝ ես չեմ կարող ասել, բայց խոսալով մարդկանց հետ, ովքեր որ գալիս են, գնում են, խոսում են, որ շատ անհարգալից վերաբերմունք է լինում, որը որ անընդունելի է, հային վայել չէ այդ ճանապարհով գնալը․․․»։ Պարզ չէ նաև՝ ինչ է լինելու արցախյան պատերազմի մասնակիցների (այսչնքն՝ Ղարաբաղում ապրող տղամարդկանց մեծ մասի) հետ։ Որքանո՞վ է անվտանգ նրանց տեղաշարժն այդ անցակետով։ Երաշխիքներ, որ մարդկանց այնտեղից չեն առևանգի, չեն տանի Բաքու, ինչ-որ մեղադրանքներ չեն առաջադրի, չկան։ տե՛ս «Ադրբեջանի ցուցակում սաղս սև ենք»․ ղարաբաղցիները կանչում են փողոց «Չկա հայկական կողմից որևէ երաշխիք, որևէ գործողություն չենք տեսնում, որ եթե հանկարծ խնդիր ստեղծեն, ինչպե՞ս ենք մենք վերաբերվելու, ի՞նչ ենք մենք անելու։ Հույսներս ամբողջովին ռուս խաղաղապահների վրա է, հայկական որևէ երաշխիք չկա։ Ռուսական միգուցե կա, ես տեղյակ չեմ», - Արայիկ Հարությունյանի հետ հանդիպումից հետո ասել է Դավիթ Գալստյանը։ «Լեռնային Ղարաբաղում արդեն մի քանի ամիս չկան գազ և էլեկտրաէներգիա, Լաչինի միջանցքում իրավիճակը շարունակում է մնալ բավականին լարված: Այժմ մթերքների մատակարարումները Լեռնային Ղարաբաղ իրականացվում են ռուս խաղաղապահների աջակցությամբ, դա սահմանափակ քանակի մթերքներ են: Հումանիտար ճգնաժամը Լեռնային Ղարաբաղում շարունակվում է, և դա նույնպես շատ կարևոր հարց է, որը, վստահ եմ, այսօր կքննարկենք», - Վլադիմիր Պուտինի հետ այսօրվա հանդիպման մեկնարկին հայտարարել է Նիկոլ Փաշինյանը։ Դեկտեմբերից ի վեր Լաչինի միջանցքում ստեղծված իրավիճակը քննարկման առարկա է, բայց շրջփակումն ու էներգետիկ ճգնաժամը առ այժմ չեն վերացվել։
Վարչապետի որդուն առևանգողը մեղավոր է և ազատ
Գայանե Հակոբյանն ընդունե՞լ է իր մեղքը՝ հարցրել են լրագրողները։ Փաստաբանները պատասխանել են․ «Միգուցե ձեր ենթադրությունները ճիշտ են․․․»։
Ղարաբաղի հարցը փակված է, բայց լուծված չէ
Ստիպված ենք դիմել անազատության սիրահարներին
Կոյուղաջրերը տներ է լցվում Սևանի ղեկավարության թողտվությամբ
Կեղտաջրերը լցվում են տուն
Սևան քաղաքի Նալբանդյան փողոցում և հարակից շենքեևում ամիսներ շարունակ կոյուղու ջրերը լցվում են մարդկանց տները։
Զինվորն «ինքնասպան է եղել» վերականգնողական արձակուրդում
Երեկ շտապօգնության բրիգադը պարանոցի շրջանում ինքնավնասումով` մահացած վիճակում, հիվանդանոց է տեղափոխել․․․
«Ձեռակերտ» աղետ. Ուկրաինայում քաղաքներ և գյուղեր են խորտակվում
Անցած գիշեր ոչնչացվել է Ուկրաինայի ամենախոշոր էներգետիկ կառույցներից մեկը՝ Կախովկայի հիդրաէլեկտրակայանը, որն արդեն ավելի քան մեկ տարի է վերահսկվում է ռուսական բանակի կողմից։ Ջուրը լցվել է Խերսոնի մարզի քաղաքներ և գյուղեր։ Բնակիչներին տարհանում են։ Ղրիմը կարող է կրկին ջրազրկվել, Զապորոժիեի ատոմակայանը մնացել է առանց սնուցման, Ուկրաինայի հարավում ջրի դեֆիցիտ է։ Ուկրաինան մեղադրում է Ռուսաստանին, Ռուսաստանը՝ Ուկրաինային։ Երկու կողմերն էլ ընդունում են՝ հիդրաէլեկտրակայանը վերանորոգման ենթակա չէ։ Ջրհեղեղը, որ տարածվում է անտառներով, հարթավայրերով, արոտավայրերով, ցանքատարածքներով և բնակավայրերով, և հսկայական տարածքների ապագա ջրազրկումը բնապահպանական և լոգիստիկ լուրջ հետևանքներ են ունենալու ամբողջ տարածաշրջանի համար։ Դրանց ծավալները դեռևս դժվար չափելի են։ Կիևի արձագանքը Գիշերը ժամը 02։50-ին ռուս զինվորականները «իրականացրել են Կախովկայայի ՀԷԿ-ի կառուցվածքների ներքին պայթեցում»՝ Անվտանգության խորհրդի հրապատապ նիստից հետո հայտարարել է Ուկրաինայի նախագահը։ Ջրհեղեղի գոտում մոտ 80 բնակավայր կա։ Վոլոդիմիր Զելենսկին հրամայել էվակուցանել բնակչությանը և խմելու ջրով ապահովել բոլոր այն քաղաքներն ու գյուղերը, որոնք սնուցվում էին Կախովկայի ջրամբարից։ ՀԷԿ-ի ոչնչացումն ու հաջորդած ջրհեղեղները Զելենսկին բնութագրել է որպես ամենախոշոր «ձեռակերտ» բնապահպանական աղետը Եվրոպայի պատմության վերջին տասնամյակներում։ Կախովկայայի ՀԷԿ-ը արդեն ավելի քան մեկ տարի է ամբողջությամբ վերահսկվում է ռուսական բանակի կողմից՝ հիշեցրել է Ուկրաինայի ղեկավարը։ Հիդրաէլեկտրակայանը, ըստ նրա, ականապատվել է ռուս զինվորականների կողմից և պայթեցվել։ Ռուսական կողմի մեղադրանքները, թե ՀԷԿ-ի պատվարը շարքից հանվել է ուկրաինական գնդակոծությունների հետևանքով, Զելենսկին կեղծ է որակել և հավաստիացրել, թե գնդակոծություններով նման բանի հասնելը «ֆիզիկապես անհնար էր»։ Նրա գրասենյակի ներկայացուցիչ Դարյա Զարիվնայան և մինչ այդ հայտարարել էր, որ Կախովկայի ՀԷԿ-ի ոչնչացմամբ Ռուսաստանը փորձում է կասեցնել Ուկրաինայի բանակի հակագրոհը։ Ուկրաինական բանակի «Հարավ» հրամանատարությունը հաղորդել է, որ հինդրաէլեկտրակայանը ներսից է պայթեցվել։ Պատվարը ոչնչացրել է ռուսական բանակի 205-րդ մոտոհրաձգային բրիգադը՝ հայտարարել է Ուկրաինայի նախագահի գրասենյակի խորհրդական Միխայիկ Պոդոլյակը Կախովկայի հսկայական ջրամբարից արտահոսած ջուրն այժմ քաղաքներ և գյուղեր է խորտակում։ Ուկրաինայի ռազմակաքաղաքական ղեկավարությունը ընդունում է՝ ստիպված են որոշակիորեն վերանայել հակահարձակումը, որը, ամեն դեպքում, շարունակվելու է։ Անկախ փորձագետները նկատում են, որ ջրամբարը լուրջ հետևանքներ է ունենալու նաև ռուսական բանակի, այդ թվում՝ օկուպացված տարածքներում ստեղծված ենթակառուցվածքների համար։ Մոսկվայի արձագանքը Լրատվական հաղորդումներից մոտ 5 ժամ անց Ռուսաստանն առաջին անգամ արձագանքել է տարածաշրջանի խոշորագույն ՀԷԿ-երից մեկի ոչնչացման մասին տեղեկություններին և ուկրաինական կողմի մեղադրանքներին։ Կրեմլի խոսնակ Դմիտրի Պեսկովը հայտարարել է, որ Մոսկվան «կտրականապես հերքում է» իր առնչությունը հարձակմանը՝ ՀԷԿ-ի ոչնչացումն ու պատվարի պայթեցումը վերագրելով Ուկրաինայի «կանխամտածված դիվերսիային»։ «Այս դիվերսիան կարող է շատ ծանր հետևանքների հանգեցնել՝ հետևանքներ տասնյակ հազարավոր մարդկանց և բնության համար, հետևանքներ, որոնք դեռ պետք է հստակեցնել։ ․․․Դիվերսիայի նպատակներից ևս մեկը Ղրիմը ջրազրկելն է․ թերակղզին սնուցող ջրանցքում ջրի մակարդակն արդեն իսկ կտրուկ նվազում է։ Ըստ ամենայնի, դիվերսիան կապ ունի նաև այն հանգամանքի հետ, որ երկու օր առաջ լայնածավալ հարձակողական գործողություններ սկսելով՝ Ուկրաինայի զինված ուժերն այժմ իրենց առջև դրված խնդիրներին չեն հասնում», - հավելել է Պեսկովը։ Մինչ այդ Խերսոնի մարզի Նովոկախովսկի շրջանի օկուպացիոն վարչակազմի (Ռուսաստանի կողմից նշանակված) ղեկավար Վլադիմիր Լեոնտևը ռուսական պետական ԶԼՄ-ների հետ զրույցում հերքել էր ՀԷԿ-ի պայթեցման մասին շրջանառվող լուրերը, քիչ անց՝ հայտարարել, թե ուկրաինական կողմի «գիշերային հարվածների» հետևանքով, այո, ՀԷԿ-ը ոչնչացվել է և այժմ տեղի է ունենում ջրի անվերահսկելի արտահոսք։ Ավելի ուշ ռուսական կողմը հաստատել է՝ կայանի 28 պատվարներից 14-ը շարքից հանվել են, ՀԷԿ-ը մնացել է ջրի տակ։ Ջրհեղեղը տարածվել է հարակից բնակավայրերով։ այլընտրանքային մեկնաբանություն Financial Times-ի լրագրող Քրիսթոֆոր Միլլերը ենթադրում է, որ Կախովսկայի ՀԷԿ-ը հունիսի 6-ի գիշերը ոչ ոք չի պայթեցրել։ Twitter-ի իր աքաունթում նա հրապարակել է ամբարտակի արբանյակային լուսանկարները, որոնք արվել են մայիսի 28-ից մինչև հունիսի 5-ն ընկած ժամանակահատվածում։ Արանյակային պատկերները, ըստ նրա, ցույց են տալիս պատվարի ջրարգելակային դարպասների և երթևեկելի հատվածի մի մասի վերջերս տեղի ունեցած վնասումը», - գրում է Միլլերը։ Թե ինչի՞ հետևանքով է պատվարը վնասվել՝ լրագրողը չի մանրամասնում։ Satellite images made by @Maxar on June 5 showed recent damage to the Nova Khakova dam’s sluice gates and a section of roadway running across it. Before images (1 and 3) made on May 28. After images (2 and 4) made June 5, around 12:15pm. pic.twitter.com/Qi7dY6M2yM — Christopher Miller (@ChristopherJM) June 6, 2023 OSINT-ի լրագրողները և՛ս կարծում են, որ պատվարի ոչնչացումը կարող էր տեղի ունենալ ավելի վաղ արձանագրված վնասների և բնական որոշ գործոնների հետևանքով։ Հավանական է, որ կանխամտածված ոչնչացում/պայթեցում առհասարակ չի եղել։ «Պատվարը աստիճանաբար քայքայվել է։ Գուցե հենց այդ պատճառով է ճանապարհի մի մասը փլուզվել, այնտեղ արդեն վաղուց անցք կար», - գրել է OSINT-վերլուծաբան Ռուսլան Լևիևը։ Լրագրող Էվին Հիլլը ուշադրություն է հրավիրել նաև այն հանգամանքի վրա, որ փլուզումից առաջ Կախովկայի ջրամբարում ջուրն աննախադեպ մակարդակի էր հասել՝ բացառված չէ, որ այն պատճառով, որ Ռուսաստանը չափից դուրս քիչ շլյուզեր է բաց պահել։ տարհանում Բնակչությունը տարհանվում է աղետի գոտուց՝ հայտարարել է Խերսոնի մարզային ռազմական վարչակազմի (ուկրաինական իշխանության մաս է կազմում) ղեկավար Ալեքսանդր Պրոկուդինը։ Դնեպրի աջափյա հատվածը ամիսներ առաջ վերադարձել է ուկրաինական կողմի վերահսկողության ներքո։ Այստեղ ջրի տակ կարող են հայտնվել Նիկոլաևկա, Օլգովկա, Լվովո, Պոնյատովկա, Իվանովկա, Տոկարևկա, Պրիդնեպրովսկի, Սադովի գյուղերը, մասամբ Խերսոն քաղաքը՝ Կորաբելնի կղզին։ Բնակչությանը էվակուացնում են։ Առաջին էվակուացիոն գնացը Խերսոնից շարժվել է ժամը 12։00-ին։ Դնեպրի ձախ կողմում (ռուսական վերահսկողության գոտում) գտմվող բնակավայրերի մարդկանց Վլադիմիր Լեոնտևը առավոտյան հավաստիացրել էր՝ ջրհեղեղի վտանգ և տարհանման կարիք չկա։ «Քաղաքի և բնակավայրերի ոչնչացման վտանգ չկա։ Բայց ջրի տակ են հայտնվել կոյուղիները, շարքից դուրս են եկել էլեկտրագծերը․․․ Մեր կանխատեսումների համաձայն՝ 72 ժամվա ընթացքում ջրի մակարդակը կիջնի, բայց մենք պետք է կարողանանք վերապրել այդ 72 ժամը», - հայտարարել է Լեոնտևը։ Արդեն օրվա կեսին ռուսական պաշտոնյան հայտարարել է Նոր Կախովկա քաղաքից, Գոլի Պրիստանից, Ալեշեկից, Դնեպրյանա ավանից և Կորսունկա գյուղից բնակչության տարհանման մասին։ Ղրիմը կջրազրկվի Չնայած տեղական իշխանությունները հերքում են, բնապահպանական այս աղետի հետևանքով, ըստ ամենայնի, ջրազրկվելու է նաև Ղրիմը՝ թերակղզի, որը դեռևս 2014 թվականին բռնակցվել է Ռուսաստանին։ 2022 թվականի հոկտեմբերի 14-ին Ռուսաստանի նախագահը հայտարարում էր․ «Ղրիմում մոտ 2․5 միլիոն մարդ է ապրում։ բռնել էին և անջատել ջուրը։ Ռուսական զորքերը մտան, ջուրը բացեցին։ Սա՝ որպես մոր գործողությունների տրամաբանության մի օրինակ։ Չանեին այդ գործողությունը, չէին լինի այլ գործողություններ»։ ԲիԲիՍիի թղթակից Իլյա Բարաբանովը մեկնաբանում է․ «Դեռ 2022-ի փետրվարի 24-ին, երբ ռուսական ներխուժումը նոր էր սկսվել և արագորեն հանգեցրեց Խերսոնի մարզի հարավային հատվածի գրավման, բռնակցված Ղրիմի ղեկավար Սերգեյ Ակսյոնովը միանգամից հրամայեց վերականգնել ջրամատակարարումը Հյուսիս-Ղրիմյան ջրանցքով։ Այն ժամանակ Ակսյոնովը չէր էլ թաքցնում, որ դեպի Ղրիմ ջրամատակարարման վերականգնումը սանձազերծված պատերազմի նպատակներից մեկն է։ Ենթադրվում էր, որ ջրանցքի ապաշրջափակումը թույլ կտա տասնյակ միլիարդավոր ռուբլիներ խնայել և կօգնի վերականգնել թերակղզու գյուղատնտեսությունը։ Սենատոր Օլգա Կովիտիդին հարցազրույցներ էր այն ժամանակ տալիս, որ շուտով թերակղզում, ինչպես սովետական տարիներին, նորից բրինձ և եգիտպացորեն են աճեցնելու։ Քարոզչությունը իրապես տոնելու բան ուներ։ Այժմ ռուսաստանցի պաշտոնյաները մեկը մյուսի հետևից բացատրում են, որ Ղրիմի վրա տեղի ունեցածը որևէ ազդեցություն չի ունենալու։ Նոր Կախովկայի այսպես կոչված քաղաքապետ Վլադիմիր Լեոնտևը դեռ առավոտյան հավաստիացնում էր ՌԻԱ Նովոստիին, որ պատվարի հետ բան չի եղել, այժմ նա հայտարարում է, որ ջրանցքի ջրազրկման վտանգ չկա։ Սևաստոպոլի գուբերնատոր Միխայիլ Ռազվոզժաևը պնդում է, որ ամեն ինչ կարգին է, քանի որ թերակղզու ջրամբարները լիքն են՝ իբր այդ ջրամբարները այդ նույն ջրանցքից չեն լցվում։ Կախովսկայա ՀԷԿ-ի բազմաթիվ հետևանքներից մեկը մեծ հավանականությամբ Ղրիմի ջրազրկումն է լինելու։ Մնում է միայն սպասել, երբ են ռուս պաշտոնյաները հայտարարելու, որ իրականում Ղրիմին ջուր պետք չի»։ ատոմակայանի վտանգը Ուկրաինայի «Էներգոատոմը» հայտարարել է Զապորոժիեի ատոմակայանի հնարավոր «բացասական հետևանքների» մասին։ «Կախովկայի ջրամբարի պաշարները անհրաժեշտ են Զապորոժիեյի ԱԷԿ-ի անվտանգության համակարգերի և շարժանիվների ջոգեխտարարների հարամր», - գրել է կազմակերպությունը՝ հավաստիացնելով, որ իրավիճակը վերահսկվում է և ատոմային անվտանգության համար ուղղակի վտանգներ դեռևս չկան։
Քարտեզներ և անկլավներ
Ալիևը կարծես դեմ չէր 75-ի քարտեզներին, ըստ ընդդիմադիրի՝ հներն ավելի լավն են, ըստ Միրզոյանի՝ առաջնորդվում են անխոցելիությամբ
Հակակարկտային կայանները չեն աշխատել․ մեծամորցիները փակել էին ճանապարհը
Ամենաշատը տուժել են Եղեգնուտի, Զարթոնքի, Արգավանդի, Արտաշարի ցանքատարածություններն ու այգիները
Հայաստանից Էրդողանի երդմանը կմասնակցի Նիկոլ Փաշինյանը
Հայաստանը ստացել է հրավեր՝ մասնակցելու Թուրքիայի (մայիսի 28-ին նորից վերընտրված) նախագահ Ռեջեփ Թայիփ Էրդողանի երդմնակալությանը: Վարչապետի աշխատակազմի փոխանցմամբ՝ հունիսի 3-ին Նիկոլ Փաշինյանը կմեկնի Անկարա՝ արարողությանը մասնակցելու համար: Մինչ օրս Հայաստանը Թուրքիայի նախագահի երդմնակալությանը միայն մեկ անգամ է մասնակցել՝ 2014 թվականին։ Սերժ Սարգսյանի նախագահության օրոք արարողությանը ներկա գտնվելու համար Անկարա էր մեկնել արտգործնախարար Էդվարդ Նալբանդյանը։ Արդեն ավելի քան 25 տարի Թուրքիայում իշխում է Ռեջեփ Թայիփ Էրդողանը․ անցած երկու տասնամյակների ընթացքում ռեֆորմատոր վարչապետը դարձել է ավտոկրատ նախագահ, իսկ Թուրքիան՝ ոչ հարուստ աշխարհիկ ժողովրդավարությունից վերածվել ոչ աղքատ, ոչ այդքան աշխարհիկ, ռեգիոնալ (գեր)տերության։ տե՛ս Քեմալական ալևին և նախագահի բռունցքը․ Էրդողանի դարաշրջանը չի ավարտվի Նախագահական ընտրությունների առաջին փուլը մայիսի 14-ին էր։ Չնայած Էրդողանը առաջատար էր, 50 տոկոսանոց շեմը հատել նրան չհաջողվեց։ Մայիսի 28-ին՝ արդեն երկրորդ փուլում, գործող նախագահը վերընտրվեց 52․07 տոկոսով, Թուրքիայի ամենահին՝ Ժողովրդահանրապետական կուսակցություն առաջնորդ, ընդդիմադիր 6 կուսակցությունների միասնական թեկնածու Քեմալ Քըլըչդարօղլուն 47․93 տոկոսով պարտվեց։ տե՛ս Հայաստանցի դիտորդը թուրքական ընտրություններում
Մահացել է վթարից տուժած մարզիկներից մեկը․ 06-ում 7 հոգով էին
Մայիսի 27-ին մարզիչները պատանի մարզիկներին տանում էին մրցումների․ 06-ում 7 հոգով էին, վարորդ-մարզիչը տեղում մահացել էր․․․
Մատուցողի ծեծը կոծկում էին. ներողությունը սուտ է, խնդիրը՝ համակարգային
Ծեծել, բռնվել, ապացույցների ճնշման տակ ներողություն խնդրելը «գործուն զղջալու» հետ կապ չունի․․․