Epress.am Լուրեր Հայաստանից
Թարմացում 15։30
— Այսօր Չինաստանի «Խուշան» ոսկու հանքի ավերակներում մնացած հանքափորների որոնողական աշխատանքների արդյունքում փրկարարները 9 դի են հայտնաբերել։
———————————
Հունվարի 24-ին փրկարարներին հաջողվել է Չինաստանի «Խուշան» ոսկու հանքի ավերակների տակից դուրս բերել 22 հանքափորներից 11-ին։
Չինաստանի արևելքում գտնվող hանքի տարածքում պայթյուն էր տեղի ունեցել հունվարի 10-ին, ինչի հետևանքով փակվել էին հանքի բոլոր մուտքերը, առանց ելքի հնարավորության թողնելով 22 մարդու:
Հանքափորները կյանքի որևէ նշան ցույց չէին տալիս, մինչև հունվարի 17-ին նրանցից մեկը քաշեց փրկարարների կողմից ուղարկված պարանը և գրություն ուղարկեց այն մասին, որ ողջ են 12 հոգի․ 11-ը միասին ՝ 520 մետր խորության վրա, և մեկը՝ 620 մետր խորության վրա: Միայնակ հանքափորի հետ կապը հետագայում ընդհատվել էր, իսկ միասին գտնվող 11 հոգուց մեկը մահացել էր հինգշաբթի։
Հունվարի 24-ին փրկված 10 հանքափորներից առնվազն մեկը հիվանդանոցում ՝, և բժիշկների գնահատմամբ՝ «ծայրահեղ թույլ վիճակում»։
Գետնի տակ մնացած մյուս 10 հոգու մասին երկու շաբաթ շարունակ որևէ տեղեկություն չկա։
Սա հանքի պայթյունի առաջին դեպքը չէ Չինաստանում։ Անցյալ սեպտեմբերին 16 մարդ մահացել էր՝ հանքում փակված մնալուց հետո, իսկ 2016 թվականին 12 հոգի մահացել էր հանքում գազի պայթյունից հետո։