Չավեսը մերժել է ԱՄՆ դեսպանի թեկնածությունը

Վենեսուելայի նախագահ Ուգո Չավեսը հրաժարվել է հաստատել
դիվանագետ Լարի Փալմերի թեկնածությունը`որպես Կարակասում ԱՄՆ դեսպան:  Նախագահը Օբամային խնդրել է այլ թեկնածու ընտրել,
հաղորդում է AFP-ն:

Չավեսի նման վերաբերմունքը Փալմերի նկատմամբ
կապված է դիվանագետի կտրուկ հայտարարությունների հետ: Ամեն շաբաթ հեռարձակվող

“Ալո” հաղորդման ժամանակ նախագահ Չավեսը դիմել է
ԱՄՆ նախագահին հետևյալ բառերով. “Ձեր կարծիքով` մենք կարո՞ղ ենք ընդունել այս ջենթլմենին:
Ավելի լավ է նրան ետ կանչեք”:

Ըստ Չավեսի` Փալմերի հայտարարությունները
խախտում են դիվանագիտության բոլոր նորմերը:

Լարի Փալմերը Վենեսուելայի կառավարությանը
մեղադրում է Կոլումբիայի Հեղափոխական զինված ուժերի անդամների (FARC)
հետ կապերի մեջ: Ըստ Փալմերի` FARC-ի անդամները 
հայտնվում են Կարակասի փողոցներում, իսկ Վենեսուելայի տարածքում մարտիկների
պատրաստման ճամբարներ կան: