Սահակաշվիլին մեկնում է Ադրբեջան

Վրաստանի նախագահ Միխայիլ Սահակաշվիլին հանդիպում է ունենալու Ադրբեջանի նախագահ Իլհամ Ալիևի հետ:

Այսօր Սահակաշվիլին պաշտոնական այցով մեկնելու է Ադրբեջան: Սեպտեմբերի 14-ին նախագահը մասնակցելու է Բաքվում կայանալիք էներգետիկ գագաթաժողովին, որը վերաբերում է գազի տեղափոխման հարցում համագործակցությանը:

«Սեպտեմբերի 13-ին կկայանա Ադրբեջանի և Վրաստանի նախագահների հանդիպումը, իսկ սեպտեմբերի 14-ին Բաքվում տեղի կունենա էներգետիկ գագաթաժողով` Ադրբեջանի, Վրաստանի և Ռումինիայի նախագահների մասնակցությամբ»,- հայտնում է Վրաստանի նախագահի մամուլի ծառայությունը: