Epress.am Լուրեր Հայաստանից
Վայրի բնության համաշխարհային հիմնադրամն ու Կովկասի բնության հիմնադրամը դադարեցնում են Խոսրովի արգելոցի ֆինանսավորումը: Այս մասին Epress.am-ին հայտնել է Կովկասի բնության հիմնադրամի հայաստանյան գրասենյակի ներկայացուցիչ Արման Վերմիշյանը:
Նա նշել է՝ որոշման պատճառն այն է, որ «Խոսրովի արգելոցի տնօրենի թափուր պաշտոնի համար հայտարարված մրցույթը խախտումներով է անցկացվել և արդյունքում հաղթել է Գաբրիել Պողոսյանը, ով չունի բարձրագույն կրթություն և չի համապատասխանում այդ պաշտոնը ստանձնելուն»:
«Կովկասյան հիմնադրամը ունի 3-ամյա ծրագիր: Այս եռամսյակի ֆինանսավորումը կազմում էր 250 հազար եվրոյին համարժեք դրամ, որից մոտ 220 հազարը արդեն տրամադրվել է: Եթե նոր մրցույթ չհայտարարվի, մենք մնացած գումարը չենք տա, ու նոր եռամսյա ծրագիր ֆինասնավորելու մասին ևս խոսք չի կարող լինել», – ասել է Վերմիշյանը:
Բնապահպանները նամակ են հղել ՀՀ բնապահպանության նախարարին, որում կոչ է արել ազատել Գաբրիել Պողոսյանին զբաղեցրած պաշտոնից: