Epress.am Լուրեր Հայաստանից
ՀՀ կառավարաթյան միջնորդությամբ հայաստանյան խաշոր բանկերից մեկը բյուջետային երաշխիքով ավելի քան 5 միլիարդ դրամի հերթական վարկն է տրամադրել աշխատավարձի գծով «Նաիրիտի» աշխատակիցներին ունեցած ամբողջ պարտքը մարելու համար, գրում է «Հայկական ժամանակ» օրաթերթը:
Թերթի ունեցած տեղեկություններով՝ վարկը տրամադրվել է Հայաստանի պետական էներգետիկ ընկերություններից մեկին, որն էլ որպես փոխառություն փոխանցել է այն «Նաիրիտին»:
«Թե ո՞վ, ինչպես և ինչ միջոցներով է փակելու այդ և նախկինում այդ նույն սխեմայով կուտակված մի քանի հարյուր միլիոն դոլարի հասնող պարտքերը՝ հայտնի չէ։ Աշխատավարձի ամբողջ պարտքը փակելուց հետո նաիրիտցիների մի զգալի մասը, եթե ոչ մեծամասնությունը, ազատվելու է աշխատանքից»,–նշում է թերթը։
«ՀԺ»֊ն հավելում է, որ վարկը «Նաիրիտի» վերագործարկման ուղղությամբ կառավարության մշակած ինչ֊որ ծրագրի առաջին քայլն է։ Ծրագրի մասին մանրամասներն առայժմ չեն հրապարակվում։
Մանրամասները՝ թերթի այսօրվա համարում