Home / Տեսանյութեր / ՍԴ նախագահը չէր կարող քաղաքականապես չեզոք լինել․ ՄԻԵԴ դատավորի մրցույթի մասին

ՍԴ նախագահը չէր կարող քաղաքականապես չեզոք լինել․ ՄԻԵԴ դատավորի մրցույթի մասին

Մարդու իրավունքների եվրոպական դատարանի (ՄԻԵԴ) դատավորի պաշտոնում Հայաստանի կողմից առաջադրվող թեկնածուների` փետրվարի վերջին տեղի ունեցած մրցույթն անցկացվել է բազմաթիվ խախտումներով՝ թափանցիկության և հրապարակայնության սահմանափակմամբ: Այս մասին այսօր լրագրողների հետ հանդիպման ժամանակ հայտարարել է այդ ընթացքում դիտորդական առաքելություն իրականացրած «Իրավունքի Եվրոպա» ՀԿ֊ի ներկայացուցիչ Լուսինե Հակոբյանը: Նա նախ նկատել է, որ մրցույթն ինքը չէր կարող անցկացվել երկրորդ անգամ միայն Սերժ Սարգսյանի կամքով ու որոշմամբ, քանի որ դա դեմ է ՄԻԵԴ դատավորների մրցույթի անցկացման ընթացակարգին և իրավական հիմքերից զուրկ է: 

Նշենք, որ նոր մրցույթի արդյունքներով հաղթող են ճանաչվել Հայաստանի Մարդու իրավունքների նախկին պաշտպան, ՄԱԿ-ի մարդու իրավունքների հանձնակատարի տարածաշրջանային ներկայացուցիչ Արմեն Հարությունյանը, «Արդարադատության ակադեմիա» ՊՈԱԿ-ի դասախոս Արայիկ Ղազարյանը, ՀՀ վարչական դատարանի դատավոր Լիանա Հակոբյանը:

«Դիտորդական կազմակերպություններին և ԶԼՄ-ներին, ովքեր հայտ են ներկայացրել ծանոթանալ դիմորդների ներկայացրած փաթեթներին, այդ հնարավորությունը չի ընձեռնվել: Ինչպես գիտեք, երկու փուլ էր՝ փաստաթղթերի ստուգման, և՝ հարցազրույցների: Հանրությունը զրկվել էր փաստաթղթերից տեղեկանալու հնարավորությունից: Իսկ այդ փաստաթղթերի մեջ դիմորդները ներկայացրել են իրենց ինքնակենսագրությունները, իրենց շարժառիթները ՄԻԵԴ դատավոր դառնալու: Երկրորդ՝ մեզ հնարավորություն չեն տվել դիտարկել հանձնաժողովի բոլոր նիստերը, այդ թվում ՝ ամփոփիչ նիստը», – ասել է Լուսինե Հակոբյանը: 

ՀԿ֊ի մեկ այլ անդամ, փաստաբան Մուշեղ Շուշանյանն ասել է, որ  տրամաբանական է, որ հանձնաժողովը խախտումներ է թույլ տվել, քանի որ դրա կազմը, որի մեջ են նաև ՍԴ նախագահ Գագիկ Հարությունյանն ու Արդարադատության նախարար Հովհաննես Մանուկյանը, չէր կարող քաղաքականապես չեզոք լիներ և ամեն ինչ արել է իշխանամետ թեկնածուների ցանկ ընտրելու համար: 

«Զբաղեցնելով ՍԴ նախագահի պաշտոնը՝ Գագիկ Հարությունյանը ներգրավված է ծայրահեղ քաղաքական մի գործընթացի մեջ: Խոսքը Սահմանադրության մեջ փոփոխությունների նախաձեռնության մասին է: Ակնհայտ է նաև, որ նա հանդիսացել է ՀՀ-ում շարունակաբար կեղծվող ընտրությունները հետևողականորեն լեգիտիմացնող մի մարմնի նախագահ»,-ասել է Շուշանյանը: 

Tekali Taxi