Վարագավան գյուղի բնակիչը գնացել է անտառ և չի վերադարձել 

Հունիսի 22-ին, ժամը 07:10-ին Տավուշի մարզի Վարագավան գյուղում փրկարարները վերսկսել են որոնողական աշխատանքները, որոնց մասնակցում են 21 փրկարար, գյուղի 10 բնակիչ և ոստիկանության 15 աշխատակից: Աշխատանքներ են իրականացվում Հախումի ջրամբարում, հայտնում է Արտակարգ իրավիճակների նախարարությունը:

Նախօրեին որոնողական աշխատանքները մթության պատճառով դադարեցվել էին:

Հիշեցնենք, որ հունիսի 21-ին, ժամը 19:55-ին «911» ծառայությանն ահազանգ է ստացվել, որ Տավուշի մարզի Վարագավան գյուղի բնակիչը (Մ.Մ., ծնված 1961 թ.) գնացել է անտառ և չի վերադարձել. անհրաժեշտ է փրկարարների օգնությունը: