Հրդեհ էր բռնկվել Երևանի Արշակունյաց պողոտայում գտնվող ՊՆ պահեստներում․ ԱԻՆ

Օգոստոսի 11-ին, ժամը 18։00-ին Ճգնաժամային կառավարման ազգային կենտրոն ահազանգ է ստացվել այն մասին, որ հրդեհ է բռնկվել Երևանի Արշակունյաց պողոտայում գտնվող ՊՆ պահեստներում։ Այս մասին հայտնում է Արտակարգ իրավիճակների նախարարությունը։

Հրդեհի բարդության «Թիվ 2» կանչով դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ։

Հրդեհը մեկուսացվել է ժամը 18։38-ին, մարվել՝ 18։45-ին: N զորամասի տարածքում այրվել են մոտ 2,5 հա խոտածածկ տարածք, 150 պատուհանի փայտե շրջանակ և 15 փայտակոճ։

Ըստ ԱԻՆ-ի՝ հրդեհաշիջման աշխատանքներին մասնակցել են զորամասի հրշեջները։