Աֆղանստանում շքերթ է և սով

Շքերին ցուցադրված ռազմական տեխնիկայի մեծ մասը նախորդ կառավարության օրոք պատկանում էր Աֆղանստանի բանակին, մյուս մասը՝ Աֆղանստանում տեղակայված ամերիկյան զորախմբին։ Թալիբները երկիրը գրավում էին ամերիկյան բանակի տարհանմանը զուգահեռ․ Աֆղանստանի կառավարության փախուստից հետո ամերիկացի զինվորականները ստիպված էին հապճեպորեն լքել երկիրը, որը դե ֆակտո արդեն կառավարվում էր թալիբների կողմից։ Զինամթերի մի զգալի մասը նրանք տարհանել չեն հասցրել կամ չեն կարողացել։

Խոսքը տասնյակ միլիարդների հասնող սպառազինության մասին է։

Պաշտոնական Վաշինգտոնի տվյալներով՝ 2002 թվականից ԱՄՆ Կոնգրեսը շուրջ 144․4 միլիարդ դոլար է հատկացրել Աֆղանստանին, որից 88․3 միլիարդը՝ Աֆղանստանի բանակին (սպառազինություն, սպասարկում, ռազմական կրություն): Աֆղանական բանակի սպառազինության մի մասը դուրս է հանվել հարևան երկրներ, ուր փախչում էին նախորդ բանակի ներկայացուցիչները։ Մնացածին տիրացել է Թալիբանը։

Թալիբների կառավարությունն այժմ խոստանում է, որ նախորդ բանակի ռազմական մասնագետները՝ օդաչուները, ինժեներները և այլն, աստիճանաբար կներգրավվեն նոր զինված ուժեր։ Ռազմական փորձաֆետները համոզված են, որ, օրինակ, ավիացիա պահելու ներուժ (մասնագետներ, պահեստամասեր, սարքավորումներ) թալիբները չունեն։

Թալիբների չճանաչված կառավարությունը առաջին անգամը չէ, որ ռազմական շքերթներ է անում։ Ավարի սպոնտան ցուցադրություններից բացի՝ կազմակերպված «շքերթ» է իրականացվել նաև նոյեմբերի 8-ին՝ Կանդագարում։