Ադրբեջանական դիրքերից կրակել են բնակելի տների վրա․ Արցախի ՄԻՊ

Փետրվարի 11-ին՝ ժամը 05:50-ի սահմաններում, Արցախի Մարտունու շրջանի Կարմիր շուկա և Թաղավարդ համայնքների հարևանությամբ տեղակայված ադրբեջանական դիրքերից կրակահերթեր են արձակվել դիտարկվող բնակելի տների ուղղությամբ։ Այս մասին հաղորդել է Արցախի օմբուդսմենը։

https://twitter.com/Gegham_Artsakh/status/1492039504634462210

«Հաշվի առնելով բնակավայրերի և ադրբեջանական դիրքերի միջև առկա հեռավորությունը և այն, որ գյուղի բնակելի հատվածը ուղիղ դիտարկվում է ադրբեջանական դիրքերից, անհերքելի է այն հետևությունը, որ ադրբեջանական կողմը ուղիղ թիրախավորել է խաղաղ բնակիչների տները, որի հետևանքով վնասվել են բնակելի տներ՝ տան պատեր, տանիքներ», – ֆեյսբուքի իր էջում գրել է ՄԻՊ Գեղամ Ստեփանյանը։

Ըստ հաղորդագրության՝ կրակահերթից խոցվել է նաև Կարմիր շուկայի բնակչի տան պատուհանը․ գնդակը ներթափանցել է տան հյուրասենյակ, որտեղ գտնվում էին կրակոցների ձայնից արթնացած անչափահաս երեք երեխաները և կինը։