Ադրբեջանը հայկական կողմին է հանձնել ևս 106 զոհվածի մարմին
Ռուսական խաղաղապահ զորակազմի հրամանատարության միջնորդությամբ այսօր ադրբեջանական կողմը հայկական կողմին է հանձնել 44-օրյա պատերազմի ժամանակ զոհված 106 անձի մարմին, հայտնել է Ղարաբաղի նախագահ Արայիկ Հարությունյանը: «Վերջին պատերազմի զոհերի մարմինների ու հնարավոր ողջերի որոնման աշխատանքները շարունակվում են: Բացի դրանից, երկուստեք սկսել ենք ջանքեր գործադրել նաև 1990-ականների պատերազմի հայ և ադրբեջանցի զոհերի աճյունների որոնման ու միմյանց փոխանցելու ուղղությամբ», - իր ֆեյսբուքյան էջում գրել է Հարությունյանը: Նշենք, որ մինչ օրս հայկական կողմը հրապարակել է 44-օրյա պատերազմում զոհված 2 364 զինծառայողի անուն։ Զոհերի թիվը, սակայն, շեշտակի ավելին է։ Հունվարի 20-ի (!) դրությամբ հաղորդվել էր առնվազն 3439 զոհված զինվորականի մասին, դեռևս ոչ բոլորի ինքնությունն է պարզված։ Որոնողական աշխատանքները և մարմինների փոխանակումը շարունակվում են։
Բելառուսում ընկել են անկախ լրագրողների և իրավապաշտպանների ետևից
Քննչական կոմիտեի պնդմամբ, իրականացվող խուզարկությունների նպատակը «բողոքի ֆինանսավորումը պարզելն է»։
«Ֆաշիստական պետությունը» ձերբակալեց անջատողական ռեփերին
Ռեփերի աջակիցները պատնեշներ են ստեղծել և ոստիկաններին ջրել կրակմարիչներով։
Ինչպես են մեզ վախեցնում դավադրություններով
Երկիրը հարթ է, մարդկանց գործողությունները կառավարում են ռեպտիլոիդներիը, մեզ ուզում են չիպավորել․․․
Աջարիայի ցույցերի պահանջները
Չեղարկել հակահամաճարակային սահմանափակումները, փոխհատուցել ՋրԷԿ֊ի շինարարությունից տուժածներին․․․
Զոհվել են Յուրին, Գեղամը, Արծրունը, Արան, Վահանը, Շավոն․․․
Հունվարի 19-ին հայտարարել է, որ պատերազմի ընթացքում զոհվել է Ադրբեջանի ԶՈՒ 2 885 զինծառայող․․․
Իսպանիայում աճող ծայրահեղ աջերը 11 տեղ ունեն Կատալոնիայի խորհրդարանում
Անջատողականները բարելավել են իրենց արդյունքները
Ալիևները Ղարաբաղում․ նոր ճանապարհները ծառայելու են ոչ միայն Ադրբեջանին
Հայաստանը Ադրբեջանի տարածքով երկաթուղային կապ կհաստատի Ռուսաստանի և Իրանի հետ, իսկ Ադրբեջանը՝ Հայաստանի տարածքով, Նախիջևանի հետ։
Գազելներին փոխարինողներն արդեն Երևանում են, բայց խնդիրը դեռ լուծված չի
Վաղ առավոտից Երևանում նոր շարժակազմով սկսել է աշխատել 38 համարի երթուղին․ 11 փոքր ավտոբուսները սպասարկում են Ծարավ աղբյուր թաղամասից Կենտրոնով մինչև «Երևանի ՋԷԿ» և հակառակ ուղղությունները։ Ավտոբուսները ձեռք են բերվել Երևանի քաղաքապետարանի կողմից։ Գործում են նոր կանոններով․ պետք է վճարել նստելիս, մետաղադրամի համար նախատեսված սարքը ընդունում է միայն 100 դրամանոցներ (սկզբնական շրջանում վարորդները համաձայնում են մանրել, նշվում է)։վ «Առաջիկայում մոտավորապես 10-15 օր հաճախականությամբ նոր երթուղիներ կշահագործենք», - գրում է Երևանի քաղաքապետը: Նոր ձեռք բերված 100 փոքր ավտոբուսներից 40-ն, ինչպես նշվել էր ավելի վաղ, արդեն Երևանում են։ Դրանց մի մասը հանվել է շահագործման։ Մյուս 60-ը, ըստ պայմանագրի, տեղ կհասնի մինչև մարտ։ Քաղաքային իշխանությունները խոստանում են մինչև սեպտեմբեր փողոցներ դուրս բերել 8,6 մետրանոց ևս 161 նոր ավտոբուսներ։ Փոխքաղաքապետ Հրաչյա Սարգսյանի խոսքով, իրենք ևս մեկ մրցույթի տարբերակ են քննարկում, որով ձեռք կբերվի շուրջ 140 7,5-8,5 մետրանոց ավտոբուս։ Ընդհանուր առմամբ Երևանի նոր տրանսպորտային ցանցում նախատեսված է շահագործել շուրջ 880 ավտոբուսներ (18б 12, 7,5-8․5 մետրանոց)։ Նոր տրանսպորտային ցանցի համար պահանջվող գումարը (մոտավոր հաշվարկով) 150-200 մլն դոլար է։ Ավագանու ընդդիմադիր խմբակցությունները դժգոհում են՝ անգամ նոր ավտոբուսների ներգրավվումը չի լուծում մայրաքաղաքի տրասպորտային խնդիրը։ Նշվում է, որ միայն նախորդ տարի գծերից հանվել է շուրջ 450 «Գազել»՝ 15 տարվա մաշվածության հիմնավորմամբ։ Քաղաքապետարանի ձեռքբերումները այս առումով քանակապես չեն լրացնում ստեղծված բացը։
Կոսովոյում հաղթում է ընդդիմությունը
«Սա հանրաքվե էր ի օգուտ արդարության ու աշխատանքի և ընդդեմ պետության գրավման ու կոռուպցիայի»
Հայաստանցին որպես ադրբեջանցի մերկ նկարներ էր պահանջում անհետ կորածների հարազատներից․ ԱԱԾ
ԱԱԾ-ի հավաստմամբ՝ կան գործով շուրջ մեկ տասնյակ տուժողներ։
Երևանից հարավ-արևելք նոր երկրաշարժ է գրանցվել․ մագնիտուդը՝ 4․7 (թարմացվող)
Երևանից 8 կմ հարավ-արևելք 4․7 մագնիտուդով երկրաշարժ է գրանցվել։ «Փետրվարի 13-ին, տեղական ժամանակով ժամը 11:29-ին (Գրինվիչի ժամանակով` ժամը 15:29-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.11⁰ և արևելյան երկայնության 44.54⁰ աշխարհագրական կոորդինատներով` Հայաստան` Երևան քաղաքից 8 կմ հարավ-արևելք, օջախի 10 կմ խորությամբ, 4.7 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ», - հաղորդել է արտակարգ իրավիճակների նախարարությունը։ Ավերվածություններ և տուժածների մասին տեղեկություններ չկան։ Երկրաշարժը զգացվել է Երևան քաղաքում` 5-6 բալ ուժգնությամբ, Արագածոտնի, Արարատի, Շիրակի, Արմավիրի, Վայոց Ձորի մարզերում` 3-4 բալ ուժգնությամբ: լրացում․ - 16։22 Բջջային ցանցում զանգերի կտրուկ աճի պատճառով հնարավոր են կապի որոշակի խափանումներ, գրում է ԲՏԱ նախարարությունը։ Յուքոմից, Վիվա-ՄՏՍ-ից զանգեր անել Երևանում այս պահին հնարավոր չէ։ Բիլայնը գործում է խափանումներով, Ֆիքսված հեռախոսակապը (քաղաքային համարները)՝ անխափան։ լրացում․ - 16։38 «Նախնական տվյալներով ավերածություններ չունենք: Երեւանի Էրեբունի համայնքում մեկ տուն է վնասվել, մեկ քաղաքացի թեթեւ վնասվածք է ստացել։ Երկրաշարժի էպիկենտրոնը, նախնական տվյալներով, Արմավիրի մարզի Փարաքար գյուղի մոտակայքում է եղել», - ֆեյսբուքի իր էջում գրել է վարչապետ Նիկոլ Փաշինյանը։ լրացում․ - 17։41 Փլուզումների վերաբերյալ ստացված ահազանգերից հաստատվել են դեռևս երկուսը․ Երևանի Այվազովսկու փողոցում (մեկհարկանի շինության պատից՝ 9 քմ, տանիքից՝ 7 քմ փլուզում) և Սմբատ Զորավարի փողոցում (շենքի պատից՝ 2 քմ փլուզում)։ Հերքվել է նախնական տվյալների համաձայն Այվազովսկու փողոցում տուժած քաղաքացու առկայությունը, հայտնում է ԱԻՆ-ը լրացում․ - 19։01 Փլուզումների վերաբերյալ ստացված ահազանգերից հաստատվել են ևս 2-ը՝ Չեխովի փողոցում (շենքի պատից՝ 1 քմ փլուզում) և Կոմիտասի պողոտայում (շենքի պատից պոկվել է մոտ 10 սալիկ)։ Ստացված մոտ 1310 ահազանգերից հաստատվել է դեռևս չորսը, հայտնում է ԱԻՆ-ը։ լրացում․ - 19։07 Հետցնցումների ակտիվությունն այս պահին թուլացել է։ Ուժեղ երկրաշարժի հավանականությունը փոքր է։ Բնակիչները կարող են վերադառնալ իրենց բնակարանները, գրում է ԱԻՆ-ը։ Ինչպես վարվել երկրաշարժի ժամանակ․ ԱԻՆ-ի ուղեցույցը՝ այստեղ