Երկու քասախցիներ հայտնվել են ադրբեջանական տարածքում
Աշխատանքներ են իրականացվում նրանց հայտնաբերելու ուղղությամբ․․․
Առցանց Հայաստան․ Կազինոներ, տեղական սերիալներ, սեքս-սթրիմինգներ
Google-ում ամենահաճախ որոնվող 20 բառերից չորսը բուքմեյքերների անուններ են․․․․
պատերազմների արանքում
Այս տարվա ապրիլին Գարիկ Ենգիբարյանը Արտլաբերևան խմբի մասնակիցների հետ այցելեց Կապան, որտեղ նկարեց և հետագայում պատրաստեց այս սյուժեն։
Արտաքսել Հայաստան և շաբաթվա այլ լուրերը
ով է ում քցում, мой парень армянин, հայ-թուրքական երկաթգիծ, պատ Իրանի հետ, վճարեց Բելառուսի անկախությամբ․․․
Ադրբեջանական զինուժերը Ղարաբաղում խախտել են հրադադարը, կա վիրավոր․ ԱՀ ՊՆ
«Միջադեպի առնչությամբ համապատասխան տեղեկատվություն է տրամադրվել ռուսական խաղաղապահ զորակազմի հրամանատարությունը»
Երևանը չմերժեց Մոսկվայի՝ սահմանազատման մասին առաջարկները
Մոսկվան սահմանազատման հարցով առաջարկներ է փոխանցել Բաքվին և Երևանին և սպասում է շուտափույթ պատասխանի․․․․
Հայաստանն ու Ադրբեջանը կրկին դատի են տալիս միմյանց
Հայաստանը Հաագայի դատարանում գործ է հարուցել Ադրբեջանի դեմ, հաղորդում է կառավարությունը։ Հայկական կողմը Ադրբեջանին մեղադրում է Ռասայական խտրականության բոլոր ձևերի բացառման միջազգային կոնվենցիայի 2-7 հոդվածները խախտելու մեջ։ Հաագայի դատարանի հաղորդմամբ՝ հայցվորը պնդում է, որ «տասնամյակներ շարունակ Ադրբեջանը ռասայական խտրականության է ենթարկել հայերին», «հայատյաց այս քաղաքականության հետևանքով հայերը ենթարկվել են սիստեմատիկ խտրականության, զանգվածային սպանությունների, խոշտանգումների և այլ նվաստացումների»: Այս համատեքստում հիշատակվում է նաև 2020 թ. 44-օրյա պատերազմը և դրան հաջորդած զարգացումները։ Բացի այդ, Հայաստանը խնդրել է դատարանին կիրառել մի շարք հրատապ միջոցներ՝ այդ թվում ռազմավարի պուրակի փակումը և ռազմագերիներին ու պահվող քաղաքացիական անձանց վերադարձը: Ադրբեջանն իր հերթին պատրաստվում է պատասխան հայցով դիմել Հաագա՝ նույն հոդվածները խախտելու մեջ մեղադրելով Հայաստանին՝ հղվելով Հայաստանում ադրբեջանցիների էթնիկ զտումներին, «բռնազավթաված տարածքների ազատագրումից հետո ադրբեջանցիների իրավունքների կոպիտ և սիստեմատիկ խախտումենրին», տարածքների ականապատմանը, խոշտանգումների և սպանությունների։ Հիշեցնենք՝ Հայաստանն այս տարվա փետրվարի 2-ին արդեն իսկ համանման մեղադրանքներով դատի էր տվել Ադրբեջանին, որը ավելի վաղ՝ հունվարի 15-ին, դատի էր տվել Հայաստանին։
Պետպատվերի փող չկա․ հիվանդանոցներում հերթեր են
Բուժհաստատությունները, որոնք նախատեսվածից 4 ամիս շուտ ծախսել են պետպատվերի համար ստացած գումարները, հերթագրում են․․․
Պատերազմում հարազատներ կորցրած կանայք կօգնել նույն ցավն ապրած մարդկանց
- Հիմա իրենք են ուզում լսել, ուզում են օգնել, իրենք են գաղափարներ տալիս մեզ ու, ամենակարևորը, վստահեցին համայնքին:
Իրանի դեսպանը և Ալիևի օգնականը էլի հանդիպեցին
Turan.az-ի պնդմամբ՝ «կասկած չկա», որ հանդիպման թեման Ղարաբաղ գնացող իրանական բեռնատարներն են։
Դելտա շտամի պատճառով ունենք մահացության համամասնության մեծացում․ Ավանեսյան
Հիվանդանոցային զբաղվածության 97-98 տոկոսն այն քաղաքացիներն են, որոնք պատվաստված չեն կամ չեն ստացել ամբողջական պատվաստումը...
Գորիս-Կապան ճանապարհին ադրբեջանցիները ձերբակալել են իրանցի վարորդներին
Գորիս-Կապան ճանապարհի Ադրբեջանով անցնող հատվածում այսօր ձերբակալվել են իրանական բեռնատարների երկու վարորդներ, Turan.az-ի փոխանցմամբ՝ հաղորդել է Ադրբեջանի ներքին գործերի նախարարությունը։ Ըստ նույն աղբյուրի՝ վարորդները «անօրինական մտել են Ադրբեջանի տարածք»։ «Հայաստանից մեքենաների անօրինական մուտքը Ադրբեջան տեղորոշել են ՆԳՆ-ի, սահմանապահ և մաքսային ծառայությունների աշխատակիցները։ Խախտողների նկատմամբ կկիրառվեն Ադրբեջանի օրենսդրությանը համապատասխան միջոցներ», - ասված է Ադրբեջանի ՆԳՆ-ի հայտարարության մեջ։ Ըստ Para TV-ի տեղեկությունների՝ վարորդները ցեմենտ էին տեղափոխում Ստեփանակերտ և Երևան։ Նույն աղբյուրի հաղորդմամբ՝ վարորդները հեռախոսով հասցրել են հայտնել, որ ձերբակալված են և ադրբեջանցիները պատրաստվում են դատել իրենց, որից հետո կապը ընդհատվել է։ Հիշեցնենք՝ դեռևս սեպտեմբերի 12-ին լուրեր տարածվեցին, որ Գորիս-Կապան ճանապարհին ադրբեջանցի ուժայինները ստուգում են իրանական բեռնատարների փաստաթղթերը։ Ըստ հայկական մամուլի՝ ադրբեջանցիները իրանցի վարորդներից 130 դոլար գումար էին պահանջում՝ Ադրբեջանի տարածք մուտք գործելու համար։ Ադրբեջանական մամուլը գրում էր, որ իրանական բեռնատարերը անարգել մտնում են Լեռնային Ղարաբաղ՝ Գորիս-Կապան ճանապարհին ստեղծված իրավիճակը ուղիղ կապելով նախօրեին Բաքվի կողմից տարածված հայտարարության հետ։ Օտարերկրյա բեռնատարների՝ ԼՂ տարած մտնելու կապակցությամբ Ադրբեջանը սեպտեմբերի 12-ին բողոք էր հղել Ռուսաստանի ՊՆ-ին, իսկ ավելի վաղ՝ նաև Իրանին։