Առևանգված Կոլեսնիկովային չհաջողվեց վռնդել Բելառուսից
Ուկրաինայի հետ սահմանը հատելու պահին Մարիա Կոլեսնիկովան պատռել է սեփական անձնագիրը։
Իրավապաշտպանները դատապարտում են Ամուլսարի պահապանների հանդեպ բռնությունը
Մարդու իրավունքների տուն Երեւանը, վերահաստատելով նշված հայտարարությամբ ներկայացված պահանջները, կրկին դատապարտում է Ամուլսարի․․․
Կրակեմ՝ խաղաղվես և շաբաթվա այլ զոհերն ու դահիճները
Տեսանյութն ամփոփում է օգոստոսի 31-ից սեպտեմբերի 4-ը լրատվամիջոցների և Գարիկ Ենգիբարյանի ուշադրությունը գրաված նյութերը։
Լիբանանում դադարեցվել են անհետ կորածների որոնողական աշխատանքները
Բեյրութի պայթյունից հետո ավելի քան 190 մարդ մահացել է, 6.5 հազար մարդ վիրավորվել է։
Միսնկում առևանգել են ընդդիմության առաջնորդներից Մարիա Կոլեսնիկովային
Բելառուսի ՆԳՆ֊ն հայտարարել է, որ Կոլեսնիկովայի մասին որևէ տեղեկություն գերատեսչությունը չունի։
Նավալնին դուրս է եկել կոմայից
Բժիշկները դեռևս չեն բացառում հնարավոր երկարատև ազդեցությունները Ալեքսեյ Նավալնու առողջության վրա։
ՀՖՖ ընկերությունից յուրացումներ կատարելու գործով մեղադրանք է առաջադրվել 2 անձի
ՀՀ քննչական կոմիտեի հատկապես կարևոր գործերի քննության գլխավոր վարչության վարույթում քննվող քրեական գործով կատարված քննչական գործողությունների և օպերատիվ-հետախուզական միջոցառումների արդյունքում պարզվել են ՀՖՖ «Տեխնիկական կենտրոն-ակադեմիա» ՓԲ ընկերությունից առանձնապես խոշոր չափերի յուրացումներ կատարելու դեպքի հանգամանքները։ Ըստ պաշտոնական հաղորդագրության՝ պարզվել է, որ 2010-2019թթ. ընթացքում, ՀՖՖ «Տեխնիկական կենտրոն-ակադեմիա» ՓԲ ընկերության տնօրենի պաշտոնը զբաղեցրած անձը, նախնական համաձայնության գալով 2013-2018թթ. ընթացքում ՀՖՖ նախագահ Ռուբեն Հայրապետյանի ընտանիքին պատկանող «Նորալուսին» ՍՊ ընկերության տնօրենների պաշտոնը զբաղեցրած անձանց հետ, «Նորալուսին» ընկերության «Զեփյուռ» ամառային ճամբար և հյուրանոց հանգստի գոտում ՀՖՖ «Տեխնիկական կենտրոն-ակադեմիա»-ի տարբեր տարիքային խմբերի սաների ուսումնամարզական հավաքներ անցկացնելու պատրվակով, միասնական դիտավորությամբ, կնքել են պաշտոնական փաստաթուղթ հանդիսացող ծառայությունների մատուցման կեղծ պայմանագրեր, որոնց հիմքով փաստացի պայմանագրում նշված անձանց ճամբար չայցելելու և վերջիններիս ծառայություններ չմատուցելու պայմաններում, կազմվել են կեղծ տեղեկություններ պարունակող հարկային հաշիվներ, որոնց հիման վրա վճարումներ կատարելու միջոցով ՀՖՖ «Տեխնիկական կենտրոն-ակադեմիա» ընկերությունից յուրացման եղանակով հափշտակվել է առանձնապես խոշոր չափերի` ընդհանուր 98.785.332 ՀՀ դրամ: «Քրեական գործով ձեռք բերված բավարար ապացույցների համակցությամբ՝ ՀՖՖ «Տեխնիկական կենտրոն-ակադեմիա» ՓԲ ընկերության և «Նորալուսին» ՍՊ ընկերության տնօրեններին մեղադրանք է առաջադրվել՝ ՀՀ քրեական օրենսգրքի 179-րդ հոդվածի (յուրացնելը կամ վատնելը) 3-րդ մասի 1-ին կետով և 325-րդ հոդվածի (փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը) 2-րդ մասով, վերջիններիս նկատմամբ որպես խափանման միջոց է ընտրվել գրավը: Նախաքննությունը շարունակվում է», - նշում է ՔԿ-ն։
Ամուլսարի պահապանները հարձակման են ենթարկվել․ «Լիդիան»-ը տեսանյութ է մոնտաժել
Այս մանիպուլյատիվ վիդեոն տարածում են լիդիանականները, դրանց սպասարկողներն ու նույնիսկ որոշ պաշտոնյաներ՝ առանց ամաչելու․․․
Ակցիա ի պաշտպանության Ամուլսարի՝ Բեյրութի համար բարեգործական «Տրավիատա»-ից առաջ
Սեպտեմբերի 4-ին՝ ժամը 19։30-ին մի խումբ մարդիկ հավաքվել էին Ազգային ժողովի դարպասների մոտ՝ համերաշխություն հայտնելու երկու տարի շարունակ Ամուլսարում հանքի շահագործման դեմ պայքարող ջերմուկցիներին և հերթական անգամ կոչ անելու կառավարությանը՝ վերջ տալ խուսափողական քաղաքականությանը և չեղարկել Ամուլսարի ոսկու հանքի ՇՄԱԳ-ը։ Ակցիայից կես ժամ անց Ազգային ժողովի բակում պետք է մեկնարկեր Վերդիի «Տրավիատա» բարեգործական համերգը՝ Բեյրութի հայ մշակութային օջախների վերականգման համար։ Ցույցի մասնակիցներն ընդգծում էին՝ ակցիայի իմաստը համերգի խափանումը չէ, այլ՝ Ամուլսարի խնդրին դրա մասնակիցների, պաշտոնյաների և մամուլի ուշադրության գրավումը։ «Բեյրութի իրադարձությունների և Ամուլսարի կապը ակնհայտ է․ փոխանակ լինի աղետ, սգանքու փորձենք օգնել, հիմա՛ կարող ենք կանխել աղետը: Իրադարձություններից երկուսի դեպքում էլ պատճառը բիզնեսի շահերն են և կառավարության ապիկարությունը», - ասված էր ակցիայի անոտացիայի մեջ։ «Պաշտպանել կյանքը․ չլռե՛լ, չհանցակցել», «Բեյրութ և Ամուլսար՝ կառավարության և բիզնեսի հանցակցություն», «Արի թունավորեմ, հետո փող կբաժանեմ, որ բուժվես», «Բարի գործ արեք, Ամուլսարը հանգիստ թողեք» պաստառներով մարդիկ կանգնած էին ԱԺ դարպասների մոտ։ Ակցիայից շփոթված ոստիկանները զեկուցում էին վերադասներին և չէին կողմնորոշվում՝ ինչ անել։ Բերման ենթարկվածներ, ի տարբերություն նախորդ ակցիաների, չեղան։ Բաղրամյան փողոցով անցնող մեքենաների վարորդներն ազդանշաններ էին արձակում՝ ի սոլիդարություն ցույցի մասնակիցների։ Համերգի մեկնարից առաջ՝ ժամը 20։00-ի սահմաններում, ցույցարարները հայտարարեցին, որ ակցիան ավարտված է և պատրաստվում էին հեռանալ տարածքից, երբ նկատեցին, որ ոստիկանները կանգնեցրել են սուլող մեքենաներից երկուսը, վերցրել վարորդների անձնագրերը և սպառնում վարչական ակտ կազմել։ Ճանապարհային ոստիկանություն տարածքում չկար։ Հերթապահող ոստիկանների պատճառաբանությունները՝ ինչի հիման վրա են մտադիր վարչական ակտ կազմել վարորդների նկատմամբ, տարբերվում էին․ մեկն ասում էր, թե ազդանշան արձակելու, մյուսը՝ արգելված տեղում կանգնելու համար։ Քիչ ժամանակ անց ակցիայի վայր ժամանեցին ՃՈ ծառայողները։ Արգելված վայրում կայանելու համար վարորդների նկատմամբ ակտ կազմվեց։ Վարորդների փաստարկները, թե իրենք կայանել են, որովհետև ոստիկանները առգրավել են իրենց փաստաթղթերը, ՃՈ ծառայողները համարեցին անբավարար․ «Կբողոքարկե՛ք համապատասխան ատյաններում»։
Բանտեր դարձած հոգեբուժարաններ․ Վրաստանի փորձը
Հետխորհրդային երկրներում հոգեբուժարանային ստացիոնար բուժումը հաճախ այլընտրանք չունի։
Ոստիկանության ջանքերով ԱՄՆ-ում մահացել է ևս մեկ սև մարդ
Դեպքը տեղի է ունեցել մարտի 23-ին, բայց միայն հիմա է հաջողվել ապացուցել, որ նա ոստիկանների համար անվտանգ էր։
Մահացել է «Պարտք․ Պատմության առաջին 5000 տարին» գրքի հեղինակը
Այս մասին հայտնել է նրա կինը՝ նկարչուհի Նիկա Դուբրովսկայան։ Մահվան պատճառը դեռևս պարզ չէ։