Պատրիկեևը Հայաստանին աշխարհի առաջնությունում ևս մեկ մեդալ բերեց

Այսօր Մոսկվայում ընթացող աշխարհի ըմբշամարտի առաջնության ընթացքում Հայաստանը ներկայացնող հունահռոմեական ոճի ըմբիշ Յուրի Պատրիկեևն արծաթե մեդալ նվաճեց` եզրափակիչում պարտվելով 120 կգ քաշային կարգում վերջին տարիների ուժեղագույն ըմբիշ կուբացի Միխան Լոպեսին:

Պատրիկեևը եզրափակիչում զիջեց մրցակցին 3:0, 1:0 հաշվով: Հաղթելով Հայաստանը ներկայացնող ըմբիշին` Լոպեսը 4-րդ անգամ նվաճեց աշխարհի չեմպիոնի կոչումը:

Հիշեցնենք, որ 2008թ. Պեկինի Օլիմպիական խաղերի ժամանակ Պատրիկեևը նույնպես պարտվեց Լոպեսին, սակայն կիսաեզրափակիչում:

Պատրիկեևի մեդալը Հայաստանի համար երկրոդն էր աշխարհի ընթացիկ առաջնությունում. երեկ բրոնզե մեդալ էր նվաճել Ռոման Ամոյանը: