Երևանում գալիք երկու օրերին կրկին ձյուն է սպասվում

Հայաստանի ողջ տարածքում հունվարի 31-ին, փետրվարի 1-ից 2-ին, շրջանների զգալի մասում սպասվում է ձյուն, տեղ-տեղ` մառախուղ: Փետրվարի 3-ին, 4-ին   կդիտվի առանց տեղումների եղանակ: Քամին  արևմտյան` 3-8 մ/վրկ, առանձին վայրերում սպասվում է քամու ուժգնացում` 15-20 մ/վրկ, լեռներում և լեռնանցքներում` բուք:

Օդի ջերմաստիճանը հունվարի 31-ի գիշերը կբարձրանա 4-ից 6, փետրվարի 1-ին` ևս 2-4  աստիճանով, 2-ի ցերեկը կնվազի 2-ից 4, իսկ փետրվարի 3-ից 4-ի գիշերները` ևս 7-9 աստիճանով:

Հունվարի 31-ին, փետրվարի 1-ից 2-ին Երևանում ժամանակ առ ժամանակ սպասվում է ձյուն, իսկ 3-ից 4-ին` առանց տեղումների եղանակ: