Epress.am Լուրեր Հայաստանից
Հուլիսի 29-ին Երևանի Սարի թաղ թաղամասում ցույցի ժամանակ Ոստիկանության կողմից կիրառած հատուկ միջոցների՝ լուսաձայնային նռնակների և պայթուցիկների հետևանքով դեմքի, ոտքերի և ձեռքերի հատվածում բազմաթիվ վնասվածքներ է ստացել ակցիայի մասնակից Թամարա Մանուկյանը:
Նա տեղափոխվել է «Գրիգոր Լուսավորիչ» բժշկական կենտրոնի այրվածքաբանության բաժանմունք:
Մանուկյանի ընկերները Epress.am-ին են տրամադրել այրվածքներ ստանալուց հետո նրա լուսանկարները:
Նշենք, որ այսօր ոստիկանները առանձնակի դաժանությամբ ցրել են Սարի թաղում հավաքված մարդկանց ցույցը, բռնություն են կիրառել նաև Խորենացի փողոցում հավաքված ցուցարարների նկատմամբ: Մարդիկ ցույց էր անցկացնում՝ ի աջակցություն Սասնա ծռեր խմբի անդամների, որոնք հուլիսի 17-ին գրավել են ոստիկանության ՊՊԾ գունդը: