Կաթողիկոսը հրաժարվել է փոխհատուցել սևանցիներին՝ «եկեղեցին փարա չունի»

2001 թվականին Կաթողիկոս Գարեգին Բ֊ն Սևանի թերակղզու լողափի մոտ 32 հեկտար տարածք է վերցրել որպես անհատույց սեփականություն՝ Վազգենյանց դպրանոցի համար։ Մինչ դա, տարածքը վարձակալում էին 12 սևանցիներ և օգտագործում հանգստի սպասարկման բիզնեսի համար։ 12 սևանցիներից մեկը՝ Արմեն Հովհաննիսյանը, Epress.am-ի հետ զրույցում ասել է, որ կաթողիկոսը ցանկապատել է այդ տարածքները՝ հրաժարվելով անգամ իրենց փոխհատուցում տալ։