Վրաստանում տեղի ունեցած ճանապարհատրանսպորտային պատահարի հետևանքով զոհվել է Հայաստանի քաղաքացի: Նորիո գյուղում մեքենան դուրս է եկել երթևեկելի մասից, հաղորդում է «Գրուզիա Օնլայնը»:
Մեքենայի վարորդը` Գարիկ Սերտիկյանը, տեղում մահացել է:
Պատահարի վայր են ժամանել փրկարարները, քանի որ հրդեհի բռնկման հավանականություն է եղել: Սակայն ավելի ուշ պարզվել է, որ մեքենայի գազատար բալոնը դատարկ է:
Ոստիկանությունը քննում է վթարի պատճառները: