Անտառային հրդեհները կլանում են Կանադայի արևմուտքը

Կանադայի արևմուտքում գտնվող Բրիտանական Կոլումբիա նահանգի Լիթթոն գյուղաքաղաքը գրեթե ամբողջովին ոչնչացել է երեկ բռնկված անտառային հրդեհի պատճառով։ Երկրի արևմուտքում գտնվող փոքրիկ բնակավայրում ապրում է մոտ 1000 մարդ։ Բնակիչներն իրերը հավաքելու և էվակուացվելու համար ունեցել են  մոտ 15 րոպե։ Մարդիկ իրենց իրերի հետ միասին վազում էին քաղաքը կլանած ծխի քուլաների և մայթերին ավելի ու ավելի մոտեցող կրակի միջով։ Զոհերի մասին դեռևս տվյալներ չկան։

«15 րոպեում կրակը կլանեց գյուղը։․․․Մարդիկ ուղղակի վերցնում էին իրենց տնային կենդանիներին, բանալիները, նստում մեքենան ու հեռանում», ֊ պատմել է այրված Լիթթոնի համայնքապետը։

BBC-ի հաղորդմամբ՝ այրվել է Լիթթոնի տների 90%-ը, բուժկետն ու ոստիկանության բաժինը։

Lytton's Main Street, before and after yesterday's devastating fire.

(Photo from a Chilliwack Fire Department member) pic.twitter.com/OaoRvg1ch3

— Justin McElroy (@j_mcelroy) July 1, 2021

Լուսանկարում Լիթթոնի գլխավոր փողոցն է՝ հրդեհից առաջ և հետո

Սա Բրիտանական Կոլումբիայում վերջին օրերին բռնկված առաջին հրդեհը չէ։ Նահանգում վերջին մեկ շաբաթվա ընթացքում շուրջ 100 անտառային հրդեհ է բռնկվել; Պատճառը երկրում գրանցվող աննախադեպ շոգն է։ Հունիսի 29-ին տեղի ժամանակով ժամը 16:20-ին Լիթթոնում ջերմաստիճանը 46.6 աստիճան է եղել ըստ Ցելսիուսի։ սա ռեկորդային ցուցանիշ է ոչ միայն փոքրիկ գյուղաքաղաքի, այլև ամբողջ Բրիտանական Կոումբիայի համար։

Ընդ որում քամու աագությունը հասել է 71 կմ/ժ-ի։ Քամու այս արագության ու չոր, տոթ եղանակի պատճառով կրակի արագությունն էլ հասել է 10 կամ անգամ 20 կմ/ժ-ի։