Epress.am Լուրեր Հայաստանից
Ամերիկացի ռեփեր Թրևիս Սքոթի համերգի ժամանակ հրմշտոց է սկսվել։ Մարդիկ սկսել են ուշաթափվել։ 300 հոգի վնասվածքներ է ստացել, 11 հոգի տեղում հոսպիտալացվել է, 8 հոգի՝ մահացել։
Նոյեմբերի 5-ին ԱՄՆ Տեխաս նահանգի Հյուստոն քաղաքում մեկնարկել է «Աստրավորլդ» տարեկան փառատոնը։ Ժամը 21:15-ի շրջանակներում ամբոխի մեջ իրարանցում է սկսվել, որը պիկին է հասել 21:38-ի մոտակայքում։
Հրմշտոցի ժամանակ առջևում կանգնածներն ընկել են ճնշման տակ, խուճապ է սկսվել։
https://twitter.com/AppleMusic/status/1456820830801960963
75 րոպե տևող համերգը մի քանի անգամ ընդհատվել է․ Սքոթը դիմել է անվտանգության աշխատակիցներին և բուժաշխատողներին, համերգի ընթացքում ամբոխի միջով մի քանի անգամ շտապ օգնության մեքենաներ են անցել։ Իրավիճակի բարելավմանը, սակայն, դա առանձնապես չի նպաստել։
Crazy Mad people still dancing but don't even give way to #ambulance.#AstroWorld2021 Festival. At least 8 confirmed fatalities and 100+ inquired.
#panic #injuries #Houston #ASTROWORLDFest #TravisScott #AstroWorld #Houston #KHOU11 pic.twitter.com/vqW4rMsjWw
— Chaudhary Parvez Ahmed (@ChParvezAhmed) November 6, 2021
Ականատեսները պատմում են, որ ամեն ինչ տեղի է ունեցել րոպեների ընթացքում։
Երբ պարզ է դարձել, որ անհրաժեշտ բժշկական միջոցառումների ծավալը գերազանցում է նախատեսված հնարավորությունները, կազմակերպիչները կանգնեցրել են փառատոնը։ Հաջորդ համերգը, որը պետք է տեղի ունենար շաբաթ օրը, չեղարկվել է։
Փառատոնին ներկա էին 50 000 մարդ․ շուրջ 300-ը տարբեր տեսակի վնասվածքներ է ստացել՝ կտրվածքներ, արյունազեղումներ, մոտ 11-ը սուր սրտային անբավարարությամբ հոսպիտալացվել է։ Մահերը դեռ վերջնական ախտորոշման կարիք ունեն։
Խնդիրներ են առաջացել նաև դեպքից ժամեր առաջ։ Ըստ Insider-ի՝ անցակետի մոտ հավաքված հարյուրավոր մարդիկ փորձել են ներս մտնել, քանդել են պատնեշները, կոտրել սարքերը։ Անվտանգության աշխատակիցներին չի հաջողվել վերահսկել իրավիճակը։ Սակայն զանգվածային ներխուժումների և համերգի ժամանակ կատարվածի միջև կապ չի հայտնաբերվել։
They smoked VIP #Astroworld pic.twitter.com/AYvjKT8VBY
— Big Bren (@LeBrennonMoore) November 5, 2021
«Աստրովորլդ»-ը Թրևիս Սքոթի և Live Nations Entertainmament-ի նախաձեռնությամբ 2018թ-ից սկիզբ առած ամենամյա փառատոն է։ 2020-ին այն չեղարկվել էր համավարակային սահմանափակումների պատճարով։ Երկար սպասված փառատոնը վերսկսել է այս տարի։ Տոմսերը վաճառքի են հանվել մայիսին, գնվել են ժամերի ընթացքում։