Զոհեր, վիրավորներ․ Ադրբեջանը կրկին Բայրաքթար է կիրառել

Մարտի 25-ին Արցախի արևելյան սահմանագոտում Bayraktar TB-2 ԱԹՍ-երի կիրառման հետևանքով մահացել են ՊԲ պայմանագրային զինծառայողներ Դավիթ Ռոբերտի Միրզոյանը (ծնվ. 1978թ.), Իշխան Սերժիկի Օհանյանը (ծնվ. 1994թ.) և Արարատ Վագիֆի Թևոսյանը (ծնվ. 1990թ.): Այս մսին հայտնում է Ղարաբաղի ՊՆ մամուլի ծառայությունը։

Հիշեցնենք՝ այսօր ավելի վաղ Ղարաբաղի ռազմական գերատեսչությունը հաղորդել էր ադրբեջանական կողմից հրադադարի խախտումների հետևանքով զոհված երկու պայմանագրային զինծառայողների մասին։

Քիչ ավելի ուշ Ղարաբաղի ՄԻՊ Գեղամ Ստեփանյանը հաղորդեց 14 վիրավորների մասին, որոնցից երկուսի վիճակը ծայրահեղ ծանր էր։ Պաշտոնյան ընդգծեց նաև, որ վիրավորման գրեթե բոլոր դեպքերը արձանագրվել են Ադրբեջանի զինուժերի կողմից ԱԹՍ-երի կիրառման հետևանքով։