Ցուցարարները հարձակվեցին ոստիկանական պատնեշի վրա. կան տասնյակ վիրավորներ (թարմացվող)
Կառավարական ամառանոցների մոտ քաշքշուկ և հրմշտոց է սկսվել ընդդիմության ակտիվիստների և դեպի խորհրդարան ճանապարհին պատ կազմած ոստիկանների միջև։ Կան տասնյակ տուժած ոստիկաններ․ վկաների խոսքով, ցուցարարները նրանց ուղղությամբ քարեր էին նետում։ Վիրավորներ կան նաև քայլերթի մասնակիցների շրջանում․ ոստիկանները առաջին անգամ հատուկ միջոցներ՝ մահակներ և լուսաձայնային նռնակներ են կիրառել։ (թարմացված) Ըստ առողջապահության նախարարության, տարբեր բժշկական կենտրոններ է տեղափոխվել 50 անձ․ 34-ը ոստիկանության ծառայողներ են, 16-ը՝ քաղաքացիական անձինք: Տուժածներից մեկի վիճակը ծանր է, այս պահին նա վիրահատվում է: ԵՊԲՀ աշխատակազմի ղեկավար Շուշան Դանիելյանը հայտնել է, որ վիրահատվողը քաղաքացիական անձ է, ոստիկաններից մեկի մոտ էլ ոտքի կոտրվածք է արձանագրվել։ _ «Առնվազն 20 ոստիկան գանգուղեղային էական վնասվածք է ստացել քաղաքացիների նետած մեծ քարերից։ Այդ ոստիկանների գլուխները արյունլվա են եղել, տարածքում առկա ռեսուրսները չէին բավարարում ոստիկաններին պատշաճ առաջին բուժօգնություն ցուցաբերելու համար։ Գլխի շրջանում նվազ վտանգավոր վնասվածքներ ստացած բազմաթիվ այլ ոստիկաններ կան, որ առ այս պահը դեռ բուժօգնություն չեն ստացել։ Սա, մեղմ ասած, խաղաղ ցույց չէր։ Եվ սա մի ամսվա բռնության հռետորաբանության արդյունքն էր», - քիչ առաջ ֆեյսբուքի իր էջում գրել է իրավապաշտպան Դանիել Իոաննիսյանը։ _ Համացանցում տեսանյութ է տարածվել, որում երևում է, ինչպես է ոստիկանը ոտքով խփում քաղաքացու դեմքին։ Մեկ այլ տեսանյութում ոստիկանության աշխատակիցը բռունցքներով հարվածում է քաշքշուկի մեջ հայտնված տղամարդուն։ _ Բերման ենթարկվածների թիվը դեռևս հայտնի չէ։ Ընդդիմությունն այժմ հանրահավաք է անում Ֆրանսիայի հրապարակում։ — «Ոստիկանների և ակցիայի մասնակիցների միջև այսօրվա բախումը հստակ սադրանք էր ակցիայի կազմակերպիչների կողմից։ Բախումների ողջ պատասխանատվությունը կրում են ընդդիմությունը և անձամբ Իշխան Սաղաթելյան անունով դաշնակը», - հայտարարել է իշխող խմբակցության պատգամավոր Արթուր Հովհաննիսյանը։ Բախումից առաջ դաշնակցական Սաղաթելյանը բարձրախոսով կոչ էր արել կանանց և աղջիկներին հետ քաշվել․ «Էս փողոցը հենց հիմա պետք է բացվի, մեր դիմաց փակ փողոց չկա։ Գնացի՛նք փողոցը բացելու»։ Կարճ ժամանակ անց տղամարդիկ գրոհել էին ոստիկանական պատնեշը, իսկ ավելի ուշ՝ սկսել քարեր նետել ոստիկանների վրա։ Ոստիկանները հատուկ միջոցներ են կիրառել՝ մահակներ և ԱԶՍ-40 «Սվիրել» լուսաձայնային նռնակների մոտ 5 կրակոց (դատելով համացանցում տարածվող տեսանյութերից՝ նռնակները օդ են կրակել)։ «Կառավարության ամառանոցներ գնալը ակնհայտ ագրեսիվ քայլ էր և ընդդիմության առաջնորդները դա արել են գիտակցված։ Բնականաբար դա կարող էր լինել խաղաղ երթի կամ հավաքի տեսքով, բայց ոչ վերջին շաբաթների հռետորաբանության ֆոնին։ Եվ զարմանալի չէ, որ մի ամսից ավել բռնության հռետորաբանություն լսած հավաքի մի շարք մասնակիցներ սկսեցին ագրեսիվ (ոչ խաղաղ) պահվածք դրսևորել։ Ընդորում, հատկանշական է, որ այդ ոչ խաղաղ պահվածքը առաջնորդների կողմից չէր կանխվում (կանխման իմիտացիան և կանխումը տարբեր բաներ են)։ Այդուհանդերձ, ոստիկանությունը, նախքան «Սվիրել» ԱՍԶ-40 լուսաձայնային նռնակներ կրակելը պետք է աներ հնարավոր ամեն ինչ` հավաքը խաղաղ հուն վերադարձնելու կամ բախումը կանխելու համար (օրինակ` բախումից խուսափելու համար Ոստիկանությունը կարող էր փշալարով տարանջատեր իրեն ակնհայտ ագրեսիվ տրամադրված ցուցարարներից)։ Այլ կերպ ասած, ընդդիմության առաջնորդները արեցին ամեն ինչ, որ բախում տեղի ունենա, իսկ ոստիկանությունը չկարողացավ դա կանխել», - ավելի վաղ գրել էր Իոաննիսյանը, որի ղեկավարած կազմակերպությունը մշտադիտարկում է մոտ մեկ ամիս առաջ սկսված բողոքի ցույցերը։ Ընդդիմությունը տեղի ունեցածի մեջ մեղադրել է ոստիկանությանը․ ոստիկանների գործողությունները Սաղաթելյանը «կոլցո» օպերացիա է որակել։ թարմացում․ Ոստիկանությունից տեղեկացրել են, որ 11 անձ բերման է ենթարկվել, հարուցվել է քրեական գործ, կատարվում է նախաքննություն։
Իրենք չեն հասկանում՝ ինչ է ժողովրդավարությունը, գալիս և սպանում են մեզ դրա համար
- սա ցեղասպանություն է, նրանք պետք է պատժվեն, իրենց դուր չի գալիս, որ մենք կարող ենք նախագահներ փոխել․․․
ԱԺ մեծամասնությունը բոյկոտեց փոքրամասնության հայտարարությունը․ նիստը տապալվեց
Ընդդիմությունն առաջարկվում էր նախապայմաններ առաջադրել հայ-ադրբեջանական և հայ-թուրքական․․․
Երեխաների ապօրինի որդեգրման գործով մեղադրանք է առաջադրվել 11 անձի
Երևանի բնակչուհին օտարերկրյացիներին երեխաներ վաճառելու համար ստեղծել է հանցավոր խումբ․․․
Արցախը Մինսկի խումբն է ուզում Եվրամիության փոխարեն
Ղարաբաղի պետնախարար Արտակ Բեգլարյանը զրուցել է Риа Новости-ի հետ․․․
Մոսկվայի կենտրոնում սպանել են Հայաստանում հետախուզվող գործարարին
2013 թվականին Կամարյանը Հայաստանում մահափորձ է կազմակերպել Ռաֆիկ Մադոյանի նկատմամբ, ով «Դեդ Խասանի» մտերիմներից էր․․․
Անձրևի խավար կողմը
Մենք դիմում ենք անձրևների, որովհետև մարդու հանդիպումը անձրևի հետ համարում ենք կարևոր։ Իհարկե, կարևոր է սուպերմարկետ գնալը, ֆեյսբուքում լայք դնելը, բայց անձրևը այլ կարգի իրադարձություն է։
11-ամյա երեխան անասնագոմում արկ է գտել, որի պայթելու հետևանքով մահացել է
Դեպքի վայր ժամանած ոստիկանության փորձաքրեագիտական բաժնի ծառայողները հայտնաբերել են երեխայի մասնատված մարմինը․․․
Կարգավիճակ, անվտանգություն, ապաշրջափակում․ Երևանն ու Բրյուսելը ընդդեմ Բաքվի
Երևանի և Բաքվի մոտեցումներում կան տարաձայնություններ, նաև այդ պատճառով է, որ բանակցություններ են տեղի ունենում՝ այսօրվա ճեպազրույցում հայտարարել է Անվտանգության խորհրդի քարտուղար Արմեն Գրիգորյանը։ Լեռնային Ղարաբաղ․ կարգավիճակ Մայիսի 27-ին Ադրբեջանի նախագահ Իլհամ Ալիևը հայտարարել էր, թե Հայաստանը համաձայնել է հարաբերությունների կարգավորման Ադրբեջանի օրակարգին, որտեղ Ղարաբաղի կարգավիճակի մասին ոչ մի խոսք չկա։ Արդեն հաջորդ օրը Հայաստանի արտգործնախարարությունը նրան կոչ էր արել չտորպեդահարել «առկա ձևաչափերում ընթացող քննարկումները» և ընդգծել․ «Բանակցությունները պիտի տեղի ունենան երկու կողմերի առաջարկների հիման վրա, որոնք պետք է հասցեագրեն խնդիրների ողջ օրակարգը, այդ թվում՝ Լեռնային Ղարաբաղի հիմնախնդրի վերջնական կարգավորումը»։ Արտգործնախարար Արարատ Միրզոյանն էլ պատասխանել էր Ալիևի պնդումներին, թե «Լեռնային Ղարաբաղ», «Լեռնային Ղարաբաղի հիմնախնդիր» և «ԵԱՀԿ Մինսկի խումբ» այլևս գոյություն չունի․ «Մենք կարող ենք ի ցույց դնել Ադրբեջանի նախագահի կողմից ստորագրված և ուժի մեջ գտնվող փաստաթուղթ, որտեղ ասվում է, որ կա Լեռնային Ղարաբաղ, և դա 2020թ․ նոյեմբերի 9-ի եռակողմ հայտարարությունն է: Այդ փաստաթուղթը ստորագրելով՝ Ադրբեջանի նախագահը ընդունել է Լեռնային Ղարաբաղի գոյությունը, ու սա անշրջելի փաստ է: Մենք կարող ենք ի ցույց դնել նաև ԵԱՀԿ ՄԽ համանախագահ երկրների կողմից արված պաշտոնական հայտարարություններ, որտեղ նրանք վերահաստատում են իրենց հանձնառությունը որպես համանախագահողներ»։ «Մենք շարունակում ենք կարևորել Արցախում ապրող մեր հայրենակիցների անվտանգությունը և իրավունքները, որից էլ պետք է բխի կարգավիճակը: Համոզված ենք, որ կարգավիճակը հենց իրավունքներն ու անվտանգությունն են որոշելու։ Մենք շարունակում ենք աշխատել այս ուղղությամբ, համոզված ենք, որ արդյունքներ ենք ունենալու», - արդեն այսօր վերահաստատել է Հայաստանի ԱԽ քարտուղարը։ Ապաշրջափակում առանց «միջանցքի» Մայիսի 27-ի նույն ելույթի ժամանակ Ալիևը հայտարարել էր նաև, թե Բաքուն հաջողության է հասել «Զանգեզուրյան միջանցքի» բացման հարցում․ «Հայաստանը միշտ փորձել է դա կանխել։ Բայց տեսեք բրյուսելյան հանդիպման արդյունքներով պաշտոնական հայտարարությունը. արդեն սահմանվել է, որ և՛ երկաթուղին, և՛ ավտոմայրուղին անցնում են Մեղրիով և Զանգեզուրով»: Արմեն Գրիգորյանը այսօր կրկին հերքել է այս պնդումը։ «Բրյուսելից արդեն պարզաբանել են, որ միջանցքային տրամաբանությամբ որևէ քննարկում չի եղել: Սրա մասին նաև Մոսկվայի մեր գործընկերներն են ժամանակին հայտարարել: Հենց նոյեմբերին փոխվարչապետ Օվերչուկի կողմից հայտարարություն է եղել, որտեղ նա նշել է, որ միջանցքային տրամաբանության որևէ հարց չի քննարկվում: Ադրբեջանը բանակցություններին չհամապատասխանող հայտարարություններ է անում։ Մենք կարող ենք հստակ ասել, որ ինչ բանակցում ենք, այն էլ հրապարակային կոմունիկացնում ենք», - ասել է ԱԽ քարտուղարը։ Մայիսի 31-ի գիշերը պարզաբանմամբ էր հանդես եկել նաև Եվրախորհրդի նախագահի խոսնակը, ըստ որի՝ Բրյուսելում մայիսի 22-ին տեղի ունեցած եռակողմ հանդիպման ժամանակ քննարկման հատուկ առարկա է եղել հաղորդակցությունների ապաշրջափակման հարցը, «բոլոր կողմերը հաստատել են, որ ապագա տրանսպորտային ենթակառուցվածքների վերաբերյալ արտատարածքային պահանջներ չկան»։ «Հակառակի վերաբերյալ շահարկումները ափսոսանք են հարուցում», - Շառլ Միշելի անունից ընդգծել էր նրա խոսնակ Բարենդ Լեյցը։ Ավելի վաղ Հայաստանի արտգործնախարարը շեշտել էր․ «Հայաստանի տարածքում որևէ միջանցքի գոյությունը բացառվում է: Սա նույնիսկ քննարկման ենթակա չէ: Մեր քննարկումները բացառապես ճանապարհների, տրանսպորտային և տնտեսական կոմունիկացիաների բացման, ապաշրջափակման մասին են: Ինչ վերաբերում է երթուղիներին, մենք ասել ենք, որ երթուղիները հստակեցնելուց առաջ նախ պետք է մեր տարածքով Ադրբեջանի քաղաքացիների և բեռների, ու Ադրբեջանի (ներառյալ Նախիջևանի) տարածքով՝ Հայաստանի քաղաքացիների ու բեռների անցման իրավական կարգավորումների շուրջ համաձայնության գալ: Ակնհայտ է, որ երկաթուղու մի ճյուղն անցնելու է Մեղրիով, Օրդուբադով, Ջուլֆայով, Երասխով: Ավտոճանապարհների երթուղու վերաբերյալ այս պահին պայմանավորվածություն չկա»: Սահման Սահմանին ցանկացած լարում բացասաբար է ազդում բոլոր գործընթացների վրա՝ այսօրվա ճեպազրույցին հայտարարել է Գրիգորյանը։ «Դա է եղել նաև պատճառը, որ սահմանազատման և սահմանագծման գործընթացները սկսելուց առաջ առաջարկում էինք, որ հայելային տարբերակով զորքերը հետ քաշվեն, որպեսզի սահմանին կայունություն լինի: Սահմանային անվտանգությունը շարունակում է մնալ օրակարգում: Մենք կքննարկենք, և, հուսով ենք՝ լուծումներ կգտնենք, որպեսզի սահմանին լարումներ չլինեն», - ասել է պաշտոնյան: Մայիսի 28-ին՝ անկախության օրը, ադրբեջանական ստորաբաժանումների կրակից Սյունիքում հայաստանցի զինվոր էր զոհվել։ Միջադեպը հաջորդել է Հայաստանի և Ադրբեջանի փոխվարչապետների առաջին հանդիպմանը, որը տեղի է ունեցել մայիսի 24-ին՝ Հայաստան-Նախիջևան սահմանին։ Սահմանազատման և սահմանային անվտանգության հանձնաժողովների այս հանդիպումը կողմերը կառուցողական էին որակել։
Ամերիկացիք շարունակում են իրար սպանել․ տարեսկզբից 268 զանգվածային սպանություն
«Զենք պահելու և կրելու ժողովրդի իրավունքը, չպետք է խախտվի», - ասվում է Միացյալ Նահանգների սահմանադրության մեջ․․․
Բյուջեից ևս 900 հազար դոլար կհատկացվի երեխայատեր ընտանիքների բնակապահովության համար
Աջակցությունից օգտվել է 3250 շահառու ընտանիք․ պետության մասնակցությունն այս ծրագրին մոտ 2,2 միլիարդ դրամ է․․․
Կառավարությունը բնակարաններ կառնի սպաների համար
Դիմորդները, որոնք ուսումնառությունը կավարտեն ու կնշանակվեն որևէ զորամասում, միանգամից կունենան բնակարան․․․