Epress.am Լուրեր Հայաստանից
Երևանի ավագանու «Բարև Երևան» խմբակցության հետ հանդիպման ժամանակ քաղաքապետը սակագնի նվազեցման մասին չի խոսել:
Այսօր Երևանի ավագանու «Բարև Երևան» խմբակցությունը հանդիպել է Երևանի քաղաքապետ Տարոն Մարգարյանի հետ: Հանդիպման ընթացքում ավագանու անդամները լսել են նրա հաղորդումը, թե հասարակական տրանսպորտի սակագնի թանկացման վերաբերյալ ինչ է հայտարարելու երևանցիներին: «Բարև Երևանի» հաղորդագրույան մեջ նշվում է, թե քաղաքապետն ասել է, որ, թեև սակագինը բարձրացվել է, խոցելի սոցիալական խմբերի համար արտոնություններ են մշակվելու:
«Հանդիպման մասնակիցներն առարկել են այդ առումով, քանի որ Երևանի բնակչության 80%-ն այդ խմբերում է: Խմբակցությունն առաջարկել է քաղաքապետի մոտ տրանսպորտի թանկացման հարցը քննարկել ԲՀԿ խմբակցության հետ համատեղ:
«Բարև Երևանը» վերահաստատել է իր դիրքորոշումն առ այն, որ ուղեվարձերը պետք է վերադառնան նախկին սակագնին, ինչպես նաև ներկայացրել է իր տեսակետը տրանսպորտային ոլորտի խնդիրների համակարգային լուծման ուղղությամբ», – ասված է «Բարև Երևանի» հաղորդագրության մեջ: