Կարկուտից տուժած ընտանիքների միայն կեսը դրամական փոխհատուցում կստանա

Թեև այս տարվա մայիսին Արմավիրի մարզում տեղի ունեցած կարկտահարության հետևանքով տուժել էր 12 հազար ընտանիք, սակայն առաջիկայում փոխհատուցում կստանան միայն 6 հազարը: Այս մասին գրում է «Ժողովուրդ» օրաթերթը՝ ընդգծելով, որ յուրաքանչյուր ընտանիք «Բնական աղետից տուժածների հիմնադրամ»-ից ստանալու է մոտ 40 հա­զար դրամ, որն անգամ 100 դոլարից քիչ է:

Հիմնադրամի նախաձեռնության հեղինակ, ԱԺ պատգամավոր Ալիկ Պետրոսյանը «Ժողովուրդ»-ին տեղեկացրել է, որ այս ուրբաթ Արմավիրի մարզպետարանում տեղի է ունենա­լու ժողով, որի ընթացքում ծրագրվելու է, թե ինչպես պետք է բաժանվի գումարը:

«Եթե մենք բոլորին տայինք, կհաս­ներ 12 հազար դրամ: Բայց որոշել ենք, որ գումարն ամենակարիքավորներին է բաժանվելու: 40 հազար դրամն էլ հարցի լուծում չէ, 80-ն էլ, 100-ն էլ», – ասել է Պետրոսյանը՝ հավելելով, որ իրենք չեն սահմանա­փակվելու այսքանով:

Թերթը նշում է, որ հիմնադրամը հավաքել է 240 միլիոն դրամ, բայց կարկտահարության հասցրած վնասը գնահատվել է շուրջ 25 միլիարդ դրամ: