ԱՊՀ տարածքում ամենաթանկ էլէներգիան Հայաստանում է (աղյուսակ)

Հայաստանում էլեկտրաէնեգիայի գինն ամենաբարձրն է ԱՊՀ տարածքում։ Այս մասին վկայում են «Իրազեկ քաղաքացիների միավորում» ՀԿ֊ի հրապարակած տվյալները։

Կազմակերպության փորձագետ Կարեն Վարդանյանի ներկայացրած աղյուսակում երևում է, որ նախկին ԽՍՀՄ երկրներից էլեկտրաէներգիայի սակագինը Հայաստանից բարձր է միայն Լիտվայում և Լատվիայում, իսկ համադրելի է միայն Մոլդովայում: Իսկ ահա Ուզբեկստանում, Տաջիկստանում, Ղազախստանում, Ղրղզստանում, Թուրքմենստանում, Ուկրաինայում, Բելառուսում, Ռուսաստանում, Էստոնիայում, Վրաստանում և Ադրբեջանում էլեկտրաէներգիայի սակագինը հայաստանյան սակագնից ցածր է:

Հիշեցնենք, որ «Հայկական էլեկտրական ցանցեր» ընկերությունը դիմել է Հանրային ծառայությունները կարգավորող հանձնաժողովին՝ խնդրելով էլէներգիան բարձրացնել 17 դրամով, մինչդեռ Հանձնաժողովը իր որոշման նախագծում նշել է, որ գինը բարձրանալու է 6.93 դրամով։ Ըստ այդմ, իրավաբանական անձանց համար 1 կՎտ/ժ կարժենա 33.28-ից 48.78 դրամ (կախված ժամից և լարումից), իսկ բնակիչ-սպառողների համար՝ 38.78 դրամ գիշերը և 48,78 դրամ ցերեկը:

Հանձնաժողովի նիստը կայանալու է այսօր՝ 11։00-ին։

Աղյուսակում Հայաստանի դեպքում նշված է հնարավոր նոր գինը, ներկայումս 1 կՎտ/ժ֊ի ցերեկային սակագինը բնակչության համար 41.85 դրամ է։

ՀԵՏԽՈՐՀՐԴԱՅԻՆ ՊԵՏՈՒԹՅՈՒՆՆԵՐՈՒՄ ԳՈՐԾՈՂ ԷԼԵԿՏՐԱԷՆԵՐԳԻԱՅԻ ՍԱԿԱԳՆԵՐԻ ՀԱՄԵՄԱՏԱԿԱՆ ԱՂՅՈՒՍԱԿ
(Դրամ/կՎտ/ժ, 2015թ. հունիսի 16-ի ՀՀ ԿԲ փոխարժեքով)

Հ/Հ	Պետությունը	Սակագին իրավաբանական անձանց համար		Սակագին բնակչության համար
	Ուզբեկստան	Նվազագույն	Առավելագույն	Նվազագույն	Առավելագույն
		22.62	30.48	14.49	28.99
	Տաջիկստան  i	8.07	20.23	8.35
	Ղազախստան	27.13	46.56	12.29	37.04
	Ղրղզստան iii	6.12	17.83	6.12	17.19
	Թուրքմենստան iv	3.4		3.4
	Ուկրաինաv	8.23	37.55	8	30.78
	Մոլդովա	41.03	44.92	41.03	44.92
	Բելառուս	31.13	55.16	25.13	45.49vi
	Ռուսաստան vii	22.31		28.48	37.91
	Էստոնիա viii	24	36.8	24	36.8
	Լատվիա ix			62.22	90.34
	Լիտվա	59.88		53.46	75.37
	Վրաստան	27.52	37.11	19.08	27.52
	Ադրբեջան	27.24		27.24
	Հայաստան	33.28	48.78	38.78	48.78

i 2015թ. հուլիսի 1-ից նախատեսվում է սակագները բարձրացնել 15 տոկոսով: