Epress.am Լուրեր Հայաստանից
Լեռնային Սվանեթիի բնակիչները պահանջում են Իելի գյուղում ոսկու հանքի շահագործման դադարեցումը։ Այս մասին հայտնում է «Իմեդի» հեռուստաընկերությունը։
Ցույցի մասնակիցները մի քանի ժամով փակել էին Իելիի կենտրոնական ավտոմայրուղու հետ կապող ճանապարհը։ Տեղի բնակիչները կարծում են, որ արդյունահանումը մեծ վնաս է հասցնում շրջակա միջավայրին։ Նրանք պնդում են, որ ոսկու զտման գործարանում օգտագործում են քիմիական տարրեր՝ վտանգավոր կյանքի և մարդու առողջության համար։
Հանրային հեռուստաընկերության տվյալների համաձայն, Իելիում 2005 թ.-ից քիմիական արդյունահանմամբ զբաղվում է «Օպտիկալ Սերվիս» չինական ընկերությունը։ Բնակիչների ճնշման արդյունքում, 2016թ.-ին ընկերությունը դադարեցրել է արդյունահանումը, սակայն շատ շուտով վերսկսել է իր գործունեությունը։ Կիրակի օրվա բողոքի ցույցը նախազգուշացնող էր։
Սվանեթիի բնակիչները խոստանում են շարունակել ցույցերը, եթե իրենց պահանջները չիրականացվեն և ոսկու արդյունահանումը շարունակվի։