Կհավաքվեն ամեն օր․ ֆոտոշարք Թբիլիսիից

Թբիլիսիում ակցիայի մասնակցիները կհավաքվեն ամեն օր, մինչև իրենց պահանջները չկատարվեն

Պահանջներն են՝ բողոքի ակցիան ցրելիս բոլոր ձերբակալվածների ազատ արձակում, ներքին գործերի նախարար Գախարիայի հրաժարական, հաջորդ խորհրդարանական ընտրությունների անցկացում համամասնական կարգով: Վերջին պահանջի մասով իշխող «Վրացական երազանք» կուսակցության հիմնադիր Բիձինա Իվանիշվիլին կուսակցության քաղխորհրդի նիստից հետո այսօր հանդես եկավ հայտարարությամբ: Իվանիշվիլին հայտարարեց, որ 2020 թվականից ընտրությունները կանցկացվեն համամասնական համակարգով:

Հիշեցնենք, որ ցուցարարները պահանջում էին նաև խորհրդարանի խոսնակ Իրակլի Կոբախիձեի հրաժարականը։ Հունիսի 21-ին նրանց պահանջը կատարվեց, Կոբախիձեն վայր դրեց մանդատը։

Հատուկ նշանակության ուժերի կողմից հունիսի 20-21-ի գիշերը մարդկանց բռնությամբ ցրելուց հետո Ռուսթավելի պողոտա էին եկել տասնյակ հազարավոր մարդիկ:

Շատ ցուցարարներ եկել էին մեկ աչքը վիրակապով փակած՝ որպես զորակցության նշան այն մարդկանց, ովքեր կորցրել են տեսողությունը ակցիան ցրելիս օգտագործված ռետինե փամփուշտներից: Հունիսի 21 բախումների արդյունում ավելի քան 240 հոգի վնասվածքներ է ստացել, երեք հոգի տեղափոխվել է վերակենդանացման բաժին։

  

Այս անգամ ակցիան ընթացել է խաղաղ և առանց էքսցեսների: Ելույթ ունեցող որոշ ընդդիմադիր քաղաքական գործիչների բազմությունը սուլել է: Եվ խոսել շարունակել են քաղաքական ակտիվիստները և երիտասարդության ներկայացուցիչները:

Ուշ գիշերը մարդիկ ցրվել են. մասնակիցները պայմանանվորվել են կրկին հավաքվել մյուս օրը՝ ժամը 19:00-ին:

Իշխանությունները որևէ կերպ չեն արձագանքել ցուցարարների պահանջներին:Ակցիայի մասնակցիները կհավաքվեն ամեն օր, մինչև որ իրենց պահանջները կատարվեն։

լուսանկարները՝ Էլիզա Մխիթարյանի