ԱՄՆ բանակում արդեն կարելի է մազ ներկել

Միացյալ Նահանգների բանակը հայտարարել է ծառայողական համազգեստի հետ կապված կանոնադրական օրենքներում փոփոխություններ մտցնելու մասին։

Ծառայության մեջ գտնվող կանանց այսուհետ կթույլատրվի կրել ցանկացած սանրվածք․ մազերի երկարության վերաբերյալ սահմանափակումներ չեն լինի։ Նաև կարելի է շրթներկ օգտագործել։ Բոլոր զինվորները կարող են ներկել մազերն ու եղունգները նեյտրալ գույներով։ Մանուշակագույն, կապույտ կամ կարմիր ներկելն արգելվում է։ Ոչ ռազմական պայմաններում կարելի է ականջօղեր կրել։

Փոփոխություններ են մտցվել նաև կրծքով կերակրող կին զինծառայողների համար սահմանված կանոններում։

Օրերս ԱՄՆ նոր նախագահ Ջո Բայդենը չեղարկել էր Դոնալդ Թրամփի ընդունած՝ տրանսգենդեր մարդկանց ծառայության արգելքը։