Ռուսաստանը կարող է պատերազմ սկսել, քանի որ Կալիֆորնիան և Տեխասը Մեքսիկայինն են
ՌԴ ՊՆ-ից «Դոնբաս գործուղման» առաջարկ են ստացել նախկին վարձկանները, բանտարկյալները․․․
Իշխանությունը ոչնչացրեց 1989-ի Պեկինի ջարդի մասին հիշեցնող ամոթի սյունը
Տարբեր աղբյուրների հաշվարկով, սակայն, իրական զոհերի թիվը կարող է հասնել մինչև 10 հազարի։
Հայաստան-Թուրքիա ուղիղ չվերթները կվերսկսվեն «առաջիկա օրերին»
Երկու պետությունների միջև ուղիղ չվերթներ չէին իրականացվում 2․5 տարի․․․
Փարաքարում աթոռակռիվ է․ կան բերման ենթարկվածներ
Հավաքվածների թվում են նաև Աշխատանքի և սոցիալական հարցերի նախկին նախարարներ, կուսակցության հիմնադիրներ Մանե Թանդիլյանն ու Մեսրոպ Առաքելյանը...
Չինաստանում դինոզավրի հնագույն սաղմ է հայտնաբերվել
Փոքրիկն ունի մոտ 27 սմ երկարության կմախք և գտնվում է 17 սմ տրամագծով ձվի մեջ․․․
Քաղաքապետին հանելիս հիշում էին հեղափոխության արժեքները․ կեղտոտ արշավն ավարտվեց
ՔՊ-ն փորձում է սեփականաշնորհել հեղափոխությունը, ավագանին պաշտոնանկ արեց քաղաքապետին․․․
Ոստիկանական շանտաժ, ֆիդայու տղա. ՔՊ-ն գրավեց Թալինը
«Տավրոս, դու գիտես, որ քաղաքապետ չես ընտրվել, բայց ես ամբողջ ծանրությունը վերցնում եմ իմ վրա ու կատարում ընտրությունս․․․»
«Իմ քայլը» սպառնում ու շանտաժի է ենթարկում (նախկին) թիմակիցներին
— Եթե վայր չդնես մանդատդ, երիտասարդական խորհրդի ֆինանսավորումը կկտրենք՝ սպառնացել են ավագանու անդամ․․․
Լույս ու ջուր տվեք․ Աբխազիայում ցույցեր են
- Էներգետիկ ոլորտը վերջնականապես խոցվեց կրիպտոարժույթի մայնինգի օրինականացմամբ։ Մենք բոլորս դեռ որքան ենք վճարելու՝ գոյացած պարտքերի համար․․․
ՔԿ-ն փակել է Ամուլսարի գործը
Հանցակազմի բացակայության հիմքով Ամուլսարի գործը կարճվել է ՝ հայտնում է Քննչական կոմիտեն։ Ոսկու հանքի շահագործումը թույլատրելու գործընթացում չարաշահումներ, ըստ ՔԿ-ի, չեն հայտնաբերվել, «մի շարք անձանց նկատմամբ քրեական հետապնդում» չի իրականացվի։ Անգամ պետության կողմից (400 հազար դոլարով) պատվիրված և «Էլարդ» ընկերության կողմից իրականացված հետազոտությունն էր փաստել, որ շահագործող ընկերության («Լիդիան Արմենիա») ներկայացրած տվյալները, այդ թվում՝ բնապահպանական ռիսկերի վերաբերյալ, թերի են, իսկ ՇՄԱԳ-ը (Շրջակա միջավայրի վրա ազդեցության գնահատում)՝ ենթակա վերանայման, Քննչական կոմիտեն եզրակացրել է, որ հանցակազմ չկա, առկա խնդիրներն էլ զուտ «տարբեր մեթոդաբանություն կիրառելու» հետևանք են․․․ Քննչական կոմիտեն հավաստիացնում է, որ «Ամուլսարի հանքավայրի շահագործման թույլտվության տրամադրման գործընթացին մասնակցած անձանց կողմից հնարավոր հանցագործություն կատարված լինելու վարկածները ստուգելու նպատակով» կատարվել են բազմաթիվ գործողություններ՝ հարցաքննություններ, մեծածավալ փաստաթղթերի զննություն, ուսումնասիրություն, օպերատիվ-հետախուզական միջոցառումներ և այլն․ «Գործի համար էական նշանակություն ունեցող մի շարք հանգամանքներ պարզելու նպատակով նշանակվել է էկոլոգիական, երկրաբանական, հիդրոլոգիական, երկրաֆիզիկական, քիմիական, շինարարատեխնիկական և տնտեսագիտական համալիր փորձաքննություն, որի կատարումը հանձնարարվել է «Էլարդ» և «Թի Ար Սի» ընկերությունների փորձագետներին: 2019թ. հուլիսի 22-ին ստացվել է վերը նշված փորձաքննության եզրակացությունը, համաձայն որի՝ «Գեոթիմ» ՓԲԸ-ի /ներկայիս՝ «Լիդիան Արմենիա»/ կողմից ՀՀ լիազոր մարմնին ներկայացված, ապա «Շրջակա միջավայրի վրա ազդեցության փորձաքննական կենտրոն» ՊՈԱԿ-ի կողմից դրական եզրակացություն ստացած Ամուլսարի ոսկեբեր քվարցիտների հանքավայրի շահագործման փաստաթղթերում առկա են թերություններ, թերհաշվարկներ, անճշտություններ և տվյալների բացեր: Հիշյալ հետևությունների վերաբերյալ «Լիդիան Արմենիա» ընկերությունը ներկայացրել է իր գրավոր առարկությունները: Առկա հակասությունների կապակցությամբ ուսումնասիրվել են տվյալ ժամանակահատվածում գործող նորմատիվ իրավական բազմաթիվ ակտեր, այդ թվում՝ «Շրջակա միջավայրի վրա ազդեցության գնահատման և փորձաքննության մասին» ՀՀ օրենքը /ընդունված՝ 21.06.2014թ./ և վերջինիս դրույթներով համապատասխան գնահատման մեթոդիկայի սահմանման ու հաստատման գործընթացի իրավական կարգավորումները», - ասված է գերատեսչության հաղորդագրությունում։ Ըստ ՔԿ-ի՝ պարզվել է, որ բնապահպանական նույն երևույթների և դրանց հետ կապված տվյալների վերաբերյալ «իրարամերժ փաստարկները պայմանավորված են դրանք հաշվարկելու և գնահատելու ընթացքում տարբեր մեթոդաբանություններ կիրառելու՝ գիտական խորը վեճերով, ինչպես նաև ՀՀ օրենսդրությամբ հաստատված կոնկրետ չափորոշիչների և մեթոդաբանության բացակայությամբ»։ Առկա թերությունները վերացնելու նպատակով գործի շրջանակներում «համապատասխան փաստաթղթեր են ուղարկվել նաև շրջակա միջավայրի նախարարություն»: ՔԿ-ն եզրակացրել է, որ նախաքննության ընթացքում «ձեռք չեն բերվել փաստական տվյալներ առ այն, որ Ամուլսարի ոսկեբեր քվարցիտների հանքավայրի հանքարդյունահանման համալիրի աշխատանքային նախագծի՝ շրջակա միջավայրի վրա ազդեցության գնահատման հաշվետվություն կազմելիս, հաշվետվությունը փորձաքննության ենթարկելիս, հանքավայրի շահագործման թույլտվությունը տրամադրելիս կատարվել են հանցավոր արարքներ», ուստի դեկտեմբերի 21-ին որոշում է կայացվել հանցակազմի բացակայության հիմքով մի շարք անձանց նկատմամբ քրեական հետապնդում չիրականացնելու և գործով վարույթը կարճելու մասին:
Անջատողականներից ածուխ գնելը՝ պետական դավաճանություն. Պորոշենկոն լքել է Ուկրաինան
Ուկրաինայի նախկին նախագահ, գործող պատգամավոր, երկրի ամենահարուստ գործարարներից մեկը՝ Պյոտր Պորոշենկոն կասկածվում է պետական դավաճանության, Դոնբասի և Լուգանսկի անջատողական ուժերին (պաշտոնական Կիևը նրանց «ահաբեկչական» է անվանում) ֆինանսավորելու մեջ։ Գործը կապված է չճանաչված հանրապետություններից ածուխի մատակարարումների հայտնի պատմության հետ։ Պարաշենկոյին հարցաքննել չի հաջողվել։ Նախկին նախագահը լքել է Ուկրաինան։ Նրա կուսակցությունը հայտարարել է, որ Պորոշենկոն մեկնել է «ծրագրված ուղևորության»։ 1․5 միլիարդ գրիվնայի ածուխ՝ չճանաչված հանրապետությունների հանքերից Քրեական գործը քննվում է «ահաբեկչության ֆինանսավորման», «պետական դավաճանության» և «ահաբեկչական կազմակերպության գործունեությանն օժանդակելու» հոդվածներով: «Ահաբեկչական կազմակերպություն» ասելով՝ Կիևը նկատի է ունենում Ուկրաինայի արևելյան շրջաններում (ինքնա)հռչակված Լուգանսկի և Դոնեցկի ժողովրդական հանրեպություններին։ Ուկրաինայի պետական քննչական բյուրոյի՝ դեկտեմբերի 20-ի հայտարարության մեջ ասվում է, որ գործը քննվում է «ժամանակավորապես օկուպացված տարածքներից» ածխի մատակարարումների հանցավոր սխեմայի կազմակերպման, Լուգանսկի ժողովրդական հանրապետություն և Դոնեցկի ժողովրդական հանրապետություն «ահաբեկչական կազմակերպություններին» Ուկրաինայի մի խումբ քաղաքացիների կողմից ընդհանուր մոտ 1․5 միլիարդ գրիվնայի (54 միլիոն դոլար) օժանդակության հիմքով։ Ուկրաինայի 5-րդ նախագահը կասկածվում է մի խումբ անձանց, այդ թվում՝ Ռուսաստանի Դաշնության բարձրաստիճան ղեկավարության ներկայացուցիչների հետ նախնական համաձայնությամբ ԼԺՀ-ի և ԴԺՀ-ի գործունեությանը աջակցելու մեջ։ Նույն գործով (պետական դավաճանության և ահաբեկչական կազմակերպությունների գործունեությանն օժանդակելու համար) հոկտեմբերին մեղադրանք էր առաջադրվել նաև Գերագույն ռադայի պատգամավոր Վիկտոր Մեդվեդչուկին։ Վերջինս արդեն կես տարի է, ինչ տնային կալանքի տակ է։ Ուկրաինական լրատվականները պնդում են, որ նա սերտ կապեր ունի Ռուսաստանի նախագահ Վլադիմիր Պուտինի հետ, նշվում է, որ Ռուսաստանի առաջնորդը նրա դստեր կնքահայրն է: Մեծ հաշվով, քրեական գործի ամբողջ բովանդակությունը հանգում է նրան, որ Պորոշենկոյի նախագահության տարիներին Ուկրաինան (Կիևի կողմից վերահսկվող տարածքներում գտնվող ընկերությունները) ոչ պաշտոնապես ածուխ է գնել անջատողականներից։ Հաղորդվում է, որ Ուկրաինայի անունից չճանաչված հանրապետությունների ներկայացուցիչների և ռուս բարձրաստիճան պաշտոնյաների հետ բանակցել է հենց Մեդվեդչուկը, նախագահ Պորոշենկոն այդ մասին ևս իմացել է։ Ուկրաինայի անվտանգության ծառայությունն ավելի վաղ հայտնել էր, որ Մեդվեդչուկի դեմ գործի շրջանակներում ստուգելու է նաև Պորոշենկոյին և Ազգային բանկի նախկին ղեկավար Վալերիա Գոնտարևային։ Պորոշենկոն էլ չի հերքում Ինքը՝ Պետրո Պորոշենկոն, սեփական «Պրյամոյ» հեռուստաալիքին տված հարցազրույցում, հաստատել է, որ 2014 թվականին Ուկրաինան իսկապես ածուխ է գնել «այսպես կոչված» Դոնբեցկի և Լուգանսկի հանրապետություններից։ Մինչ այդ նա հիմնականում հերքում էր բոլոր մեղադրանքները՝ անվանելով դրանք «կեղծ, քաղաքականապես մոտիվացված գործերի և քաղաքական ընդդիմախոսների կողմից սև պիարի դասական օրինակ»։ Ավելի վաղ ուկրաինական լրատվամիջոցներում տրամադրության տակ էին հայտնվել նաև Մեդվեդչուկի խոսակցությունների գաղտնալսված ձայնագրությունները՝ Լուգանսկի և Դոնեցկի ներկայացուցիչների և տարբեր մակարդակի ռուս պաշտոնյաների, այդ թվում՝ փոխվարչապետ Դմիտրի Կոզակի, Պուտինի օգնական Վլադիսլավ Սուրկովի, «Գազպրոմի» ղեկավար Ալեքսեյ Միլլերի և Պուտինի մամուլի քարտուղար Դմիտրի Պեսկովի հետ։ Ինքը՝ Մեդվեդչուկը, արտահոսքին առանձնահատուկ նշանակություն չէր տվել՝ նշելով, որ նման խոսակցությունների մասին չի հիշում։ Ուկրաինան 2014 թվականից պատերազմում է Դոնբասի շրջանում Ռուսաստանի աջակցությունը վայելող անջատողականների հետ։ Մարտերն ավելի քան 13000 մարդու կյանք են խլել։ Երկիրը վառելիքի սուր դեֆիցիտի բախվեց այն բանից հետո, երբ անջատողականները գրավեցին տարածքը, որտեղ գտնվում էին ածխի հանքերը:
Նախկին նախագահի նախկին խորհրդականը ձերբակալվել է ստելու համար. ՔԿ
Գ.Ի.-ն որպես մեղադրյալ է ներգրավվել ՔՕ 333-րդ հոդվածի («սուտ մատնություն, որը զուգորդվել է ծանր կամ առանձնապես ծանր հանցագործության մեջ մեղադրելով»)․․․